نجمتي.. أحمد العوضي يشيد بموهبة يارا السكري ويكشف سبب ترشيحه لها في علي كلاي
تحدث الفنان أحمد العوضي عن يارا السكري وسبب ترشيحه لها في مسلسل علي كلاي، مشيدًا بموهبتها الكبيرة.
وقال العوضي خلال مداخلة هاتفية في برنامج أسرار النجوم مع الإعلامية إنجي علي في حلقة خاصة مع الفنانة يارا السكري:" يارا نجمتي.. وأنا فخور بيها جدًا ومبسوط لها جدًا وبكل كلمة حلوة بتتكتب علشانها وبفرح لها، هي عاجباني من أول ما اختارتها في فهد البطل كنت شايف فيها حاجة".
وتابع أحمد العوضي: “لما رشحتها للمشاركة في فهد البطل لقيت الناس حباها في دور آسيا وراكبة التريند رغم أنها مش بطلة وتمثيلها طبيعي عندها مزايا مش في غيرها.. مش بس حلوة وجميلة عندها أحاسيس وعمق في التمثيل، وشفناها أبدعت في مشهد وفاة أخوها في علي كلاي”.
وتابع أحمد العوضي: “يارا عندها نضج مبكر ونضجها سابق خطواتها في التمثيل وده بيرجع أيضًا لمخرج كبير زي محمد عبد السلام وهي محظوظة إنها اشتغلت في وسط ناس حبينها”.
وتجسد يارا السكري خلال أحداث مسلسل علي كلاي دور “روح” والمسلسل يعرض يوميًا طيلة شهر رمضان على قناة DMC، وDMC دراما، ومنصة Watch it الرقمية.
