إلهام شاهين: «التبرع بالأعضاء صدقة جارية.. أحسن ما يأكله الدود».. فيديو

علقت الفنانة إلهام شاهين على فكرة التبرع بالأعضاء بعد الوفاة، مؤكدة أن الهدف هو عمل خير يبقى صدقة جارية، قائلة: «فكرت في كده عشان اعمل خير، عشان يبقى صدقة جارية بعد وفاتي… الجسم هيأكله الدود، ومش هيضرني في حاجة إني أعيش حد بأجزاء من جسمي، إذا كانت سليمة».

شاهين توضح ضوابط التبرع وشروطه

وخلال لقاءها ببرنامج «بين السطور» على شاشة تن، أكدت شاهين أن التبرع بالأعضاء ليس متاحًا للجميع أو لأي سن، وأن هناك شروطًا محددة يجب توافرها، موضحة: «الجلد ممكن الواحد يتبرع به في أي وقت».

مطالبة بتفعيل قانون التبرع بالأعضاء في مصر

وأشارت شاهين إلى أن قانون التبرع بالأعضاء موجود في مصر منذ 16 سنة، لكنه لم يُفعّل حتى الآن، مضيفة أنها استفسرت عن كافة التفاصيل الخاصة بالتبرع علميًا ودينيًا وقانونيًا لضمان صحة القرار.

كشفت الفنانة إلهام شاهين عن رأيها في التبرع بجلدها وأعضائها بعد وفاتها، مشيرة إلى أن وصيتها تحتوي على ذلك.

وقالت إلهام شاهين في تصريح خاص لموقع نيوز رووم : “ده شئ جميل والشخص اللي بيتبرع مش خسران حاجة .. بالعكس ده بيعمل خير .. وأنا مهتمة بالموضوع ده جدًا .. وطالبت كتير إن الدولة والحكومة تهتم به .. ونعرف إيه المسار الطبيعي اللي نعمله بعد الوفاة ؟".

وواصلت : "وأنا مثلًا لو توفيت وأهلي عارفين إني عاملة وصية إني أتبرع بأعضائي المفروض يعملوا إيه ويروحوا فين ؟ .. ده السؤال ؟ .. فا لازم يبقى فيه قرارات سريعة وده موجود في كل العالم المتحضر .. فإزاي ميبقاش موجود في مصر؟”.

وسبق وصرحت إلهام شاهين أنها هي الوحيدة التي كانت تفكر فيما طرحه مجلس الشيوخ مؤخرًا، حول التفكير في التبرع بالجلد والأعضاء بعد الوفاة.

وقالت إلهام في تصريح خاص لموقع نيوز رووم : “اعتقد أنا الوحيدة اللي اهتميت بالموضوع ده جدًا .. لأنه موضوع إنساني .. ومن الناحية الدينية لما سألت الشيوخ قالولي إن ده صدقة جارية على روح المتوفي .. لأن جزء من المتوفي اتحط في جسم واحد تاني شفاه أو ريحه من الألم .. وده شئ إنساني عظيم جدًا .. سواء حد محتاج قرنية عين أو كلى أو كبد أو قلب”.