باسل سماقية: الملابس والألوان والمجوهرات أداة سعادة لا جدال فيها

رد باسل سماقية، رئيس مجلس إدارة شركة قطونيل، على سؤال الإعلامية لميس الحديدي حول انتقادات البعض لاختياراته في الألوان والمجوهرات، مؤكداً أن أسلوبه الشخصي في اللبس يعكس شخصيته ويبعث بالطاقة الإيجابية له.

اهتمامي بالفاشون ليس للتفاخر

وقالت لميس الحديدي: «مش بتتضايق لما حد بينتقد ويقول إنك بتلبس ألوان وبدل فيها ألماظ ودهب؟»، فأجاب سماقية: «الملابس والحاجات اللي بختارها ليها تأثير على نفسيتي، وأنا أحب أعيش مع اللي بيخليني مبسوط»، في لقاء مع الإعلامية لميس الحديدي، مقدمة برنامج «رحلة المليار»، على قناة «النهار».

وأضاف :«النهاردة أنا مهدي شوية مع إن ده الفاشون، أنا بحب التفاؤل بحاجات كتير، الخاتم ده حجر زمرد اشتريته من عند حد عنده حاجات قديمة وبتفاءل بيه وبلبسه معظم أيامي دلوقتي».

وحول الانتقادات على مواقع التواصل الاجتماعي، أوضح سماقية، :«مابتضايقش وعمري ما رديت على أي تعليق على السوشيال ميديا في حياتي، أنا معنديش وقت»، مشيرًا إلى المجوهرات والإكسسوارات، قائلاً: «ده فيه دايموندز صغيرة؟ فاشن آه. أنا بلبس اللي بحبه ومادام مابأذيش حد، لا بأذي حد ولا بضر حد ولا باكل حاجة على حد، مفيش حاجة».

وأكد أن اهتمامه بالفاشون ليس للتفاخر أو إثارة الجدل، بل للتعبير عن نفسه والتفاؤل، : «أنا ما بهتمش بانتقادات الناس، المهم الراحة الشخصية والثقة في النفس.. اللبس والألوان والمجوهرات بالنسبة لي أداة سعادة مش قضية خلافية».

وأضاف عن شغفه بالعمل، قائلًا: «كان في فترة كان عندي حاجة اسمها حب العمل الزائد، كنت بشتغل بالـ16 و17 ساعة يوميًا، ولحد دلوقتي عندي الحب ده، بس نظمت الوقت ولقيت إن إدارة الوقت هي اللي بتخلي الواحد يشتغل ويعيش سعيد ويتبسط ويهتم بعيلته ويهتم باللي حواليه».

وكشف سماقية عن علاقته بمصر وجنسيته، ردًا على تساؤلات الجمهور: «أنا بعتبر نفسي، أنا في مصر بقالي 40 سنة.. جيت مصر من وأنا في تالتة إعدادي، دخلت مدرسة سانت فاتيما بميدان الحجاز، مصر الجديدة».

تحدثت الإعلامية لميس الحديدي، عن برنامجها الرمضاني «رحلة المليار» الذي يعرض خلال شهر رمضان على شاشة النهار، مؤكدة أن فكرة البرنامج لا تتعلق بالثروة في حد ذاتها، بقدر ما ترصد رحلة وتجربة كبار رجال وسيدات الأعمال، قائلة:« ليس المقصود رحلة فلوس تخص الضيوف، بقدر ما تمثل رحلة تجربة لكبار رجال وسيدات الأعمال»، وذلك خلال تقديمها برنامج الصورة، على النهار.