غادة عبد الرازق بعد حلقتها في رامز جلال وحبر سري: حبيت أعلملكم مفاجأة
وجهت الفنانة غادة عبد الرازق رسالة إلى جمهورها، مشيرة إلى أنها حلت ضيفة في برنامجين هما رامز ليفل الوحش وحبر سري، تعويضًا عن غيابها من الموسم الرمضاني هذا العام.
وكتبت غادة عبد الرازق عبر حسابها بموقع فيسبوك: “جمهورى العزيز حبيت السنادي علشان مفيش مسلسل رمضاني اعملكم مفاجأة واكون ضيفة معاكم فى برنامجين مختلفين ومتميزين وحقيقى أنا استمعت بيهم جدا فأتمنى ان انتم كمان تكونوا استمتعتوا بمشاهدتهم وكل سنة و انتم طيبين ورمضان كريم”.
كانت الفنانة غادة عبد الرازق ضيفة الحلقة الثالثة من برنامج رامز ليفل الوحش، وعرضت الحلقة على قناة إم بي سي مصر في الساعة السادسة مساءً.
وتعرضت غادة عبد الرازق لإصابة حيث قالت خلال الحلقة أن أسنانها انكسرت.
وقدمها رامز جلال وقال: “فنانة قوية وبتعمل اللي على مزاجها.. ضربت منتجين شخطت في مخرجين الكل منها مرعوبين.. كل زيجاتها فشلت... أنا جايبك النهاردة عشان تعملي Come Back.. وترجعي نجمة شباك.. النهاردة معانا غادة عبد الرازق.. عاملة في سنانها تقويم ومزوداها في الرجيم وموقفة حلو وحادق.. يا نهار أبيض.. أنتي خسيتي كده ليه؟ دي ميفتش غادة عبد الرازق.. دي بقيت عبد الرازق.. ما شفتوش غادة زمان.. منه لله محمد سامي هو اللي كسر كبريائها.. أنتم متأكدين أن دي غادة عبد الرازق؟ إحنا مضحوك علينا دي مش غادة دي أحمد زاهر؟
