هنا الزاهد تعترف لرامز جلال: عملت عملية تجميل في مناخيري
كشفت الفنانة هنا الزاهد أنها خضعت لعملية تجميل في أنفها، وذلك خلال لقائها في برنامج رامز ليفل الوحش على قناة mbc مصر.
وسأل رامز جلال هنا الزاهد إذا كانت خضعت لأي عمليات تجميل، لترد مباشرة: اه عملت عملية تجميل في مناخيري.
كما سألها رامز إذا كان شعرها طبيعي، لتؤكد أنه طبيعي.
وخلال الحلقة استغاثت هنا الزاهد برامز جلال خلال إطلاقه طلقات عليها وقالت: والله عندي ديسك في ضهري.
وخلال تقديمه لـ هنا الزاهد قال: “معانا نجمة من مواليد شهر يناير، جبناها قبل كده وهي لسه بشاير، كانت سنانها بيضة ما بتشربش سجاير، رموشها طويلة ولا فرنشة الستاير، فتاة أحلام كل شاب مراهق وفاير، لمحها غراب كان طاير، زن على ودانها وفهمها انه عنده أطيان وعماير، صدقته وحبته واتجوزته.. وياريتها ما كانت قابلته دبت بنينهم الخلافات يا ريتها ما كانت اتجوزته،الموضوع دخل في الأمهات والسلايف والأخوات وفضائحهم تناقلتها المواقع، اطلقوا وقصتهم بقيت مأساوية، والبت البريئة اتكسرت وبقيت ولية، السنة اللي فاتت وقع تحت ايدي طليقها وقال هو اللي سابها وهي بتقول العكس وانا مصدقها”.
ونصحها رامز وقال: “بقولها ما تعمليش الغلطة دي تاني وابعدي عن نجوم الطرب والأغاني علشان هترجعي تصوتي وتعاني”.
