من كواليس الأمن الوطني إلى معاناة غزة.. دراما «المتحدة» تكشف ما وراء الأحداث
تناول صانع المحتوى والمحلل السياسي محمد نور قراءة معمقة لعملين دراميين أثارا اهتمام المتابعين منذ عرض أولى حلقاتهما، لما يقدمانه من معالجة مباشرة لملفات شائكة تتعلق بالأمن القومي المصري والقضية الفلسطينية.
وأكد نور في تغريدة له عبر منصة «إكس» أنَّ مسلسل «رأس الأفعى» بطولة النجم أمير كرارة، يكشف الوجه القبيح والمنهج الإجرامي لجماعة الإخوان، قائلا: «رأس الأفعى اللي من أول حلقتين هتفهم مقدار شر جماعة الاخوان وإجــرامهم ومعادتهم للشعب المصري نفسه، وتفهم في نفس الوقت اننا عايشين في أمان بفضل الله وبفضل أبطال يمكن منعرفش ولا هنعرف عنهم حاجة لكنهم صمام الأمان الحقيقي للبلد دي وهما رجال قطاع الأمن الوطني، وتفهم كمان قد ايه وصلوا لدرجة عالية من الاحترافية والإمكانيات اللي تخليهم من أقوى أجهزة الأمن الداخلي في العالم بلا مبالغة».
أما مسلسل «صحاب الأرض»، فاعتبر نور أنه استطاع كشف جرائم إسرائيل ومعاناة الشعب الفلسطيني في الحفاظ على أرضه، موضحًا: «وصحاب الأرض اللي برضو من أول حلقتين هتفهم اننا قدام تأريخ للإجـرام الإســرائيلي وان مصر بتوثق ده بعمل أيقوني ملوش مثيل في العالم كله ومفيش دولة مسلمة أو عربية أو من اللي بيتشدقوا بحقوق الإنسان فكروا يعملوا عمل زي ده يبين معاناة الشعب الفلــسطيني في القطاع، وتفهم كمان ان مصر مكنتش ساكته ولا حتى كانت بتشتغل شغل عادي زي ما ناس كتير كانت فاكرة لأ، ده كل يوم في بطولة وفي قصة ولا حكاية توضح قد ايه مصر أجهزة ومجتمع مدني كانوا بيسابقوا الزمن وبيخوضوا البحر عشان يساهموا في إنقاذ ما يمكن إنقاذه في غـزة».
واختتم: «مش مجرد مسلسلين ولكن دول تأريخ وتوثيق وفخر وبطولة مهم جداً كل الدنيا تشوفهم عشان يعرفوا عظمة وشرف وقوة مصر.. تحية للشركة المتحدة والأجهزة الأمنية اللي خرجولنا العملين العظام دول بالشكل العالمي ده».
