لقاء الخميسي تكشف كواليس عودة زوجها للبيت: «قالي وحشتيني وبدأنا سنة جديدة»
تحدثت الفنانة لقاء الخميسي عن لحظة عودة الاستقرار لبيتها وموقف زوجها عند دخوله المنزل بعد الأزمة، قائلة: «أول ما دخل البيت أخد نفس وقال أنا بيتي وحشني عيالي وحشوني وإنتي وحشتيني.. هو فاهم إن ده هو بيته فلازم يحس الإحساس ده».
لقاء الخميسي ببرنامج أسرار
وأكدت لقاء خلال لقائها ببرنامج «أسرار» المذاع على شاشة «النهار» مع الإعلامية أميرة بدر، أنها اختارت إعطاء فرصة ثانية للحفاظ على الكيان الأسري: «أنا ربنا مديني الصبر والتجاوز، ومع إني في الأصل ست مجنونة وضايعة مني خالص، بس ببص لولادي وللعيلة.. فكرة التفكيك دي توجع العيلة».
وأضافت: «ابتدأ معانا السنة الجديدة من أولها والحمد لله كانت سنة بداية جديدة، وده حقيقي.. سنة جديدة وبداية جديدة».
ووُضعت لقاء في مقارنة بين مهنتها والتريند: «تكوني ممثلة فقيرة ولا بلوجر وغنية؟»، فأجابت: «ممثلة فقيرة طبعا».
وفي سياق متصل، عبرت لقاء عن تمسكها ببيتها قائلة: «ده بيت وعيال وذكريات إزاي أفرط فيه» وبسؤالها عن مشاعرها تجاه الطرف الآخر، قالت: «كنت هجيبها من شعرها، هخبطها في الحيطة.. إنتي بتتعدي على حياتي وبتخش في حياة ناس وبتبوظيها، ليه الستات بتحارب بعضها؟».
حفاظ لقاء الخميسي على بيتها
وتابعت لقاء: «ليه أدمر بيت؟ ليه أخد واحد متجوز ما فيه ناس كتير مش متجوزين؟ سبتي كل الرجالة وروحتي للراجل اللي متجوز ومخلف وسمعتنا زي الفل وبنحب بعض قدام الناس كلها؟.. ده مرض في الدماغ».
وكشفت لقاء أنها تعرفت عليها سابقا: «هي شافتني كذا مرة في مناسبات مع أصدقائنا، وعادي حاطين عينينا في وسط رأسنا.. الستات دي دايما بيبقى عندهم نقص وعايزة تثبت إنها أحسن منك وهي معندهاش».
صدمة لقاء الخميسي وخيانة محمد عبد المنصف
صدمة لقاء الخميسي وخيانة محمد عبد المنصف
وعن تفاصيل رحلتها مع الدكتورة النفسية، قالت: «الدكتورة بتسمع وبعدين تبتدي تشتغل، لسه قدامي حبة حلوين عشان أخف من الموقف ده.. لأن في الآخر بتبقي وبتلاقي حياتك فجأة بتبوظ»، متابعة: «دايما بسأل نفسي إيه اللي حصل؟ تساؤلات كتيرة وإحساس بالذنب، هل أنا أذنبت في حاجة؟ هل فيه حاجة مضايقاه؟ فيه لخبطة في المخ وهتظبط مع الوقت، وفيه حزن لسه موجود جوا».
