لقاء الخميسي: أنا لسه متعافيتش وبروح لدكتورة نفسية عشان أقبل نفسي بعد اللي حصل

كشفت الفنانة لقاء الخميسي عن لمعاناتها بعد الأزمة الزوجية التي مرت بها، مؤكدة أن التسامح لا يعني الشفاء التام.

وقالت لقاء خلال لقائها ببرنامج «أسرار» المذاع على شاشة «النهار» مع الإعلامية أميرة بدر: «لما قالي بحبك وانسي كل حاجة.. آه بنهدأ وبنسمع كلام حلو بس عقلنا مبيوقفش، بيفضل شغال.. عايزة تلاقي تفسير، عايزة تلاقي أسباب للي حصل وحصل ليه؟».

لقاء الخميسي ببرنامج أسرار

وكشفت لقاء مفاجأة عن حالتها الحالية قائلة: «أنا شغالة دلوقتي أكتر على إنو أنا أتعافى مع نفسي، يعني أنا لسه ماتعافيتش.. فيه فرق بين إن أنا أسامح وإن أنا شخصيا من جوايا أتعافى، والناس مافهمتش النقطة دي»، مضيفة أنها لجأت لطبيب نفسي لمساعدتها: «أنا لسه عايزة جلسات وعايزة أنا أقبل نفسي لأن أنا كمان ابتديت أشك في نفسي».

صدمة لقاء الخميسي وخيانة محمد عبد المنصف

وعن تفاصيل رحلتها مع الدكتورة النفسية، قالت: «الدكتورة بتسمع وبعدين تبتدي تشتغل، لسه قدامي حبة حلوين عشان أخف من الموقف ده.. لأن في الآخر بتبقي وبتلاقي حياتك فجأة بتبوظ»، متابعة: «دايما بسأل نفسي إيه اللي حصل؟ تساؤلات كتيرة وإحساس بالذنب، هل أنا أذنبت في حاجة؟ هل فيه حاجة مضايقاه؟ فيه لخبطة في المخ وهتظبط مع الوقت، وفيه حزن لسه موجود جوا».

تحدثت الفنانة لقاء الخميسي عن المواجهة مع زوجها وموقف المقربين منها في محنتها، مؤكدة أن أولادها كانوا الداعم الأول لها.

لقاء الخميسي في محنتها

وقالت لقاء خلال لقائها ببرنامج «أسرار» المذاع على شاشة «النهار» مع الإعلامية أميرة بدر: «اللي وقف جنبي أهلي واتنين تلاتة من صحابي، لأن أنا كنت ساكتة وقافلة عليا الباب ومبتكلمش خالص ومش قادرة أتكلم مع حد.. وأخواتي كانوا بيكلموني على طول».

وعن أولادها، قالت: «ولادي وقفوا جنبي جدا.. دول رجالتي بجد، وقفوا في صفي وحبايبي وقفوا جنبي الحمد لله».

وعن تفاصيل الاعتذار الذي قدمه زوجها، قالت: «سألته أنت عملت كدة ليه؟ عشان لو أنت مش بتحبني كنت سبتني أو قولي أنا بطلت أحبك.. ما هو في ناس بردو بتزهق»، متابعة: «هو قال لي أنا بحبك وأنا آسف وغلطان..أنتي أم ولادي وحبيبتي».