عمرو زكي يكشف سر القطيعة مع أهله: أنا مكنتش صاحب القرار في حياتي وده ظلم للنفس
تحدث النجم عمرو زكي، لاعب الزمالك ومنتخب مصر السابق، عن كواليس علاقته المتوترة مع أسرته في بعض الفترات، موضحا أن الخوف الزائد من الأهل قد يدمر حياة اللاعب.
حياة عمرو زكي الخاصة
وقال زكي خلال لقائه ببرنامج «أقر وأعترف» المذاع على شاشة «النهار» مع شوبير: «وارد في حياتك إنك تختلف وتتفق مع أهلك، خصوصا إن حياة اللاعب بتكون صعبة بسبب إن أهله بكونوا خايفين على ابنهم أوي ومعندهمش فكرة التطوير والاحتراف».
وأضاف: «حسيت إن القرار مش قراري في حياتي الخاصة، وبدأت حياتي مش صح.. أنا مكنتش صاحب قرار في حياتي بسبب أهلي وده ظلم للنفس، بسبب أن دي الثقافة اللي كنت عايش فيها.. والهدف الأساسي من كل ده هو الخوف، لكن غلط ولا يعقل».
قال النجم عمرو زكي، لاعب الزمالك ومنتخب مصر السابق، إن تراجع مسيرته الكروية لم يكن بسبب ظروف خارجية، بل بسبب قراراته الشخصية واختياراته بعيدًا عن المستطيل الأخضر.
أنا مش متهم
وصرح زكي خلال لقائه ببرنامج «أقر وأعترف» المذاع على شاشة «النهار» مع شوبير: «أنا مش متهم، بس لازم تتعلم من أخطاءك وتتعامل كويس وده تبدأه من عندك أنت عشان خاطر الناس كلها تحترمك».
وتابع عمرو زكي: «بداية الإخفاق كانت من عندي 100%، واختياراتك زي صحابك وحياتك خارج الكرة وثقافتك العامة هي السبب»، موضحا أنه تعلم الدرس متأخرا: «أنا اتعلمت من حياتي إن أهم حاجة العلم، وده اللي بعلمه لولادي دلوقتي، وهو ده اللي كان أهلي نفسهم يحققهولي بس عملوه على قد إمكانياتهم».
وكشف النجم عمرو زكي، لاعب الزمالك ومنتخب مصر السابق، مفاجآت حول حياته الشخصية في بداياته، مؤكدًا أن قرار زواجه في سن الـ 18 عاما كان خطأ كبيرا.
في سنة ونص اتجوزت مرتين وطلقتهم
وقال زكي خلال لقائه ببرنامج «أقر وأعترف» المذاع على شاشة «النهار» مع شوبير: «مش منطق إنك تبدأ حياتك وأنت عندك 18 سنة إنك تتجوز.. أنا أول واحدة عرفتها اتجوزتها، ووالدي طلقها بعد أسبوعين».
وروى عمرو زكي تفاصيل الواقعة قائلا: «والدي جالي الساعة 6 الصبح وطلقها غيابي وأنا مكنتش أعرف، وبعدين بـ 4 شهور أهلي جوزوني تاني وجبت منها يوسف وبعد سنة طلقتها».
مكنتش صاحب قراري
وأضاف : «في سنة ونص اتجوزت مرتين وطلقتهم، أنا مكنتش صاحب قراري وده ظلم للنفس ودي الثقافة اللي كنت عايش فيها.. لا يعقل».
