"محتاجين بنك للجلد البشري".. إلهام شاهين تؤكد على ضرورة تفعيل مطلب البرلمان
أكدت الفنانة إلهام شاهين على ضرورة احتياج وجود بنك للجلد البشري، لمساعدة ضحايا الحروق، ومن الممكن تفعيل القانون لمن يرغب فقط، وذلك من خلال منشور عبر حسابها الرسمي على موقع التواصل الإجتماعي فيسبوك.
ضرورة تفعيل بنك للجلد البشري
حيث قالت إلهام شاهين معلقة: “فى شهر الخير، شهر رمضان الكريم، ندعو الله جميعا أن يخفف آلام كل المتألمين، و بالأخص مصابى الحروق، فهى الأشد ألمًا، ربنا يخفف عنهم و يشفيهم، و كل التحية و الإحترام لمستشفى أهل مصر للحروق التى تعالج المصابين مجانًا، مع فريق عظيم من الأطباء المتخصصين، ربنا معاكم و مع كل المصابين، و أرجو و أتمنى من مجلس الشعب الموقر تفعيل قانون التبرع بالأعضاء للراغبين لأن هذا شئ إختيارى بالتأكيد، نحتاج لوجود بنك للجلد البشرى الذى يمكن إستخدامه فى عمليات ترقيع الجلد للحروق الصعبة، و للعلم التبرع بالأعضاء بعد الوفاة يصبح صدقة جارية على روح المتوفى، و هذا القانون معمول به فى كل الدول المتحضرة، ربنا يجازيكم خير مستشف أهل مصر و السيدة المحترمة التى شيدتها لتخفيف آلام البشر، السيدة المحبة للخير هبه السويدي، شكرا لأهل مصر”.
إلهام شاهين تعلق على مقترح التبرع بالجلد والأعضاء
وقالت إلهام شاهين في تصريح خاص لموقع نيوز رووم : “اعتقد أنا الوحيدة اللي اهتميت بالموضوع ده جدًا .. لأنه موضوع إنساني .. ومن الناحية الدينية لما سألت الشيوخ قالولي إن ده صدقة جارية على روح المتوفي .. لأن جزء من المتوفي اتحط في جسم واحد تاني شفاه أو ريحه من الألم .. وده شئ إنساني عظيم جدًا .. سواء حد محتاج قرنية عين أو كلى أو كبد أو قلب”.
واستكملت إلهام شاهين حديثها: : “ده شئ جميل والشخص اللي بيتبرع مش خسران حاجة .. بالعكس ده بيعمل خير .. وأنا مهتمة بالموضوع ده جدًا .. وطالبت كتير إن الدولة والحكومة تهتم به .. ونعرف إيه المسار الطبيعي اللي نعمله بعد الوفاة ؟".
وواصلت : "وأنا مثلًا لو توفيت وأهلي عارفين إني عاملة وصية إني أتبرع بأعضائي المفروض يعملوا إيه ويروحوا فين ؟ .. ده السؤال ؟ .. فا لازم يبقى فيه قرارات سريعة وده موجود في كل العالم المتحضر .. فإزاي ميبقاش موجود في مصر؟”.
