عمرو محمود ياسين يساند ياسمين عبد العزيز: «تصفية حسابات والهجوم مش حيكسّرها»
في خضم الهجوم الشديد والاتهامات التي واجهتها الفنانة ياسمين عبد العزيز مؤخرا، خرج الفنان عمرو محمود ياسين ليكشف ما يحدث خلف الكواليس، بعيدا عن الشائعات والمبالغات، مؤكدا على قوة ياسمين وقدرتها على مواجهة كل ما يقال عنها.
وقال عمرو عبر حسابه الشخصي على موقع التواصل الاجتماعي فيس بوك: «حقيقي أنا مش مصدق اللي بيحصل مع ياسمين، لو أي ترند اتغير من حاجة لحاجة يبقى ياسمين، لو ممثل قال جملة هنا أو هناك يبقى ياسمين، (طيب أنا رحت فين 😄) لو حد لابس لبس معين يبقى ياسمين! والله الموضوع ده مش حقيقي خالص! المسلسل ليه مؤلف ومخرج ومنتج وستايلست وكل قسم ليه اختصاصه. احنا مش هواة، احنا شغالين وكل واحد مسؤول عن دوره».
وأضاف: «أكيد بنتشاور وبنفكر مع بعض عشان نوصل لأفضل قرارات تخدم المشروع، بس للأسف الموضوع كله بقى تصفية حسابات، وياسمين مش عارفة تعمل إيه، لو ردت تقول الناس ليه بتردي؟ ولو سكتت الناس بتصدق الاتهامات! بصراحة أنا بشفق عليها جدا، لكن اللي بيديني راحة إنها قوية جدا وبتواجه كل ده بسخرية وضحك، وبتردلي تقول'أنا مش شايفاهم بس أنا متعود أواجه، والناس اللي بتتابعها عارفة ده».
واختم قائلا: «لازم الجمهور يعرف الحقائق، لأن أي هجوم على ياسمين هو جزء من الهجوم على مشروعنا اللي كلنا بنبذل فيه مجهود كبير جدا جدا، وربنا يصلح حال الجميع، وخالص التقدير والاحترام للجميع».
وفي وقت سابق، علق السينارست عمرو محمود ياسين على الافتراضات التي صاحبت منشور الفنانة ياسمين عبد العزيز والتي ألمحت فيه أن طليقها أحمد العوضي يوجه اللجان الإلكترونية ضدها بعدما شاركت منشورًا يكشف عن أن الفنان خالد سرحان يجسد دور طليقها في مسلسل وننسى اللي كان ويحرض اللجان ضدها، وهو الأمر الذي فسره البعض بأنها أحداث المسلسل تتناول جانبًا من بعض أزمات الفنانة ياسمين.
وأكد عمرو محمود ياسين أنه لم ولن يستخدم كتابته لأعماله لخدمة أهداف أخرى:"بقرأ كتير بوستات وتعليقات عبيطة وبضحك من سذاجة المكتوب.. كلمتين هقولهم ... عمر ما حصل ولا هيحصل إني أكتب الدراما بتاعتي لخدمة أهداف محددة.. لا حصل ولا هيحصل ولا عمر ده اتطلب مني أصلا.. أنا بحترم مهنتي جدا وصوتي من دماغي..أنا مؤلف بيحضر تصوير كل شوت في مسلسله عشان اضمن دايمًا أن النص بتاعي بيسير في الاتجاه اللي أنا مقتنع به ..وبقف على الكلمة والحرف وكل اللي اشتغلوا معايا عارفين الكلام ده".
