زاهي حواس يفتح النار على جو روغان: «حوارنا كان الأسوأ لأنه جاهل ومش متعلم»
كشف عالم الآثار المصري الدكتور زاهي حواس عن كواليس الصدام الذي حدث في البودكاست الشهير مع جو روغان، واصفا اللقاء بأنه الأسوأ، وموجها انتقادات لاذعة لمحاولات تزييف التاريخ المصري القديم.
رد فعل ممنهج وجهل بالحقائق
وعند سؤاله عن الهجوم الذي تعرض له بعد اللقاء، أكد حواس أن رد فعله كان قويا ومقصودا، قائلا: «أنا رديت عليه بقوة وهو عارف إن أنا رجل مشهور قال يعمل معايا بودكاست.. بس هو مش عارف حاجة خالص، والمفروض لما تقابلني تبقى عارف عني كل حاجة».
وأضاف حواس خلال حواره مع الإعلامية سارة محيي ببرنامج «المختصر المفيد»، المذاع عبر «نيوز رووم»: «لما تلاقي واحد بيخلي الحضارة المصرية دي مش بتاعتنا، ومقتنع مية في المية إن فيه مدينة كاملة تحت الهرم التاني وعايز يثبت إن أنا لا أؤمن بالعلم.. لازم ردي يبقى قوي عشان أبين إنه مش متعلم ومش فاهم».
رسالة للمنتقدين: شفتوا الطلقات وسبتوا الدفاع
وتابع الدكتور زاهي حواس: «العيب في بعض المصريين اللي هاجموني إن هما مشافوش البرنامج، هما شافوا الطلقات اللي هو أطلقها عشان يبين إن أنا لا أؤمن بالعلم»، مؤكدا أنه تعمد إظهار التعالي في الحوار: «كنت متعجرف عليه.. لازم يبقى هو إنسان متعجرف، لازم أبقى متعجرف عليه».
الرد على الخزعبلات بالعلم
وأوضح حواس حقيقة الادعاءات التي تزعم وجود فراغات تحت الأهرامات على أعماق سحيقة، مشيرا إلى أن الرادار التوموجرافي الذي استخدمه بعض الإيطاليين لا يتجاوز مداه 15 مترا، متسائلا: «إزاي بيقولوا فيه حاجات على بعد 1000 متر؟ ده رأيي في موضوع جو روجان.. الحوار كان الأسوأ عشان هو جاهل».
وحول نظرية أن عمر الحضارة المصرية 15 ألف عام، رد حواس: «دي خزعبلات.. طب الناس اللي جوا من 15 ألف سنة دول مش هيسيبوا بصمة رجل في الأرض أو يسيبوا أي حاجة؟»، مؤكدا أن لديه دلائل كثيرة على أن الهرم المصري أصيل، ومنها مقابر العمال وبناة الأهرام، وبردية وادي الجرف التي تذكر اسم «مير» رئيس العمال وهو يتحدث عن بناء هرم خوفو.
المواجهة القادمة في لندن مع بيرس مورجان
وكشف حواس عن استعداداته للسفر إلى لندن قريبا لإجراء حوار لمدة ساعتين مع الإعلامي الشهير «بيرس مورجان»، مؤكدا أنه سيواجه هناك أيضا مروجي النظريات البديلة مثل جراهام هانك، الذي يردد أن الحضارة المصرية ليست من صنع المصريين، مؤكدا على عبقرية موقع الجيزة جيولوجيا: «هضبة الجيزة فيها أعظم أحجار لا يوجد لها مثيل في أي مكان في مصر.. عشان كده أهرامات الجيزة الناس بتبص لها بإعجاز وعجاب».
