بعد تضارب أقوال الأب والأم.. النيابة تقرر نقل جثث أطفال العياط إلى مشرحة زينهم

قررت النيابة العامة في الجيزة، نقل جثث أطفال قرية المتانيا في مركز العياط، من مشرحة العياط إلى مشرحة زينهم، وذلك لإجراء التوقيع الطبي عليهم، والتشريح لمعرفة أسباب الوفاة، بعد تضارب أقوال والدي الثلاث أطفال.

وكشفت التحقيقات الأولية، وفاة 3 أطفال في مركز العياط، وهما لأب وأم من الصم والبكم، والذين أكدا أنهما عندما قررا إيقاظ الأطفال في الصباح لم يتحركوا، وتبين لاحقًا وفاتهم، دون معرفة السبب.

ويواصل رجال المباحث بمديرية أمن الجيزة، إجراء التحريات لكشف غموض العثورعلى 3 أطفال أشقاء مفارقين الحياة داخل مسكنهم في إحدى قرى العياط.

تفاصيل الواقعة

ورد بلاغ لمديرية أمن الجيزة، يفيد العثور على 3 أطفال أشقاء مفارقين الحياة داخل مسكنهم في قرية تابعة لمركز العياط، وانتقل رجال المباحث إلى محل الواقعة لإجراء التحريات، وتبين من خلال المناظرة الأولية للجثث، عدم وجود إصابات ظاهرية بهم.

تم نقل الجثث لثلاجة المستشفى، والاستماع لأقوال والديهم، وجاري تكثيف التحريات لكشف ملابسات الواقعة، وتولت النيابة المختصة التحقيق.

استغاثة فتاة من سائق اندريف

وفي سياق منفصل، نشرت إحدى الفتيات تدعى فرحة أحمد، إستغاثة بعد تعرضها لمضايقات من سائق عبر تطبيق النقل الذكي إندريف، أثناء طلبها رحلة في محافظة القاهرة.

وقالت الفتاة عبر حسابها أنها طلبت سائق إندريف للذهاب إلى الجامعة، وحضر إليها شخص وحاول مضايقتها، وكان لديه إصرار بإعطائها  سجائر منه.

وذكرت الفتاة في المنشور: "يا جماعة بلاش حد يركب إندرايفر أنا النهارده رايحة الجامعة زي الطبيعي وطلبت إندرايفر ركبت معاه لاقيته بيقولي إنتي بتدخني قولتلو لا وسكت".

وتابعت الفتاة: "وبعدين فى نص الطريق لاقيته بيلف وشه وبيدينى علبة السجاير وبيلمس رجلي اتخضيت طبعًا وقولتله أنا قولتلك مش بشرب ومش هدخن فضل يتحايل عليا عشان أخد سيجاره منها ويقولى شميها ريحتها نعناع ومعاه كوباية عمال يقولي إشربي شاي والله أعلم فيها إيه".

وأردفت الفتاة: "جيت أفتح الباب عشان أنط لاقيته قافل الباب عليا نظراته كانت وحشة جدًا قعدت أتكلم معاه عشان أعرف أنزل، وقولتله ممكن لو فاضي ترجع تاخدني عشان أقدر أنزل وقعد يسألني إنتي عايشة لوحدك ولا معاكي حد".

وأكملت الفتاة : "قولتلو هنزل أدي حد غلبان فلوس في الشارع مكنش راضي وقالي هقف وهي تجيلك لكن إنتي متنزليش قعدت أقولوا لا هي مش هتقدر تقوم نزلني المهم كان عندو إصرار إني أشم السجاير أو أشربها".

واختتمت : "نزلت جريت على حد كان واقف وهو جه اتخانق معاه وخلاه يمشي والحمد لله ربنا ستر قعد يرن عليا بعديها والراجل اللي وقفتو رد عليه قالوا هنعملك محضر وزعقله جامد والحمدلله ربنا عداها على خير ومش هتتكرر تاني إنى أركب إندرايف".