تامر فرج يعلق على واقعة فتاة الأتوبيس: الفتنة سلاح مدمر
علق الفنان تامر فرج على واقعة فتاة الأتوبيس، مستنكرًا من تأييد طرف ضد الآخر رغم استمرار التحقيقات في الواقعة.
وكتب تامر فرج عبر حسابه بموقع فيسبوك: "بخصوص موضوع التحرش بالبنت فى الأوتوبيس بغض النظر عن الموضوع نفسه اللى أصبح فى ايدين السلطات هتحكم فيه فبالتالي ماليش إني أؤيد طرف ضد التاني مش ملاحظين أن الموضوع خرج من كونه واقعة تحرش أو لأ إلى كونه تقويم الستات على الرجالة والرجالة على الستات؟؟ أهلي وزمالك يعنى؟؟ وفى نفس الوقت في تقويم للمسلمين ضد المسيحيين والمسيحيين ضد المسلمين؟؟.
وأضاف تامر فرج: "واخدين بالكم من البرامج اللى بتقوم أي طرفين ضد بعض؟؟ طب خلوا بالكم بقى وبصوا على الصورة الكبيرة أي غضب من نص المجتمع ضد التاني أو أي طرف ضد الطرف الآخر ده بيضعف المجتمع وبيفكك الجبهة الداخلية وبيشغلنا عن أمور كتير لازم نركز فيها الفتنة مش لازم تكون طائفية الفتنة سلاح مدمر أكتر من السلاح التقليدي".
وتابع تامر فرج: “الحروب دلوقتي مش حروب رصاص وقنابل عارف أن ناس كتير هتقولي أنت كبرت الموضوع كده ليه.. بس اخدنا فى الفلسفه ان التجريد بيوصلنا لفهم الصورة الكاملة وحاجات ابعد من نظرتنا المحدودة فمعلش اعتبروني مجنون خلوا بالكم والحدق يفهم اللهم بلغت؟؟ اللهم فأشهد”.
