مسلم يثير الجدل حول ما ينوي تقديمه الفترة القادمة |تفاصيل
أثار المطرب مسلم الجدل حول نيته فيما يقدمه خلال الفترة القادمة، وذلك من خلال منشور عبر حسابه الرسمي على موقع تبادل الصور والفيديوهات إنستجرام.
وقال مسلم في منشوره: “يالهووي على اللي هعمله الفترة الجاية”، موضحًا أن ما سوف يقدمه سيكون شئ جديد.
مسلم ينفي حمل زوجته يارا تامر
كشف مطرب المهرجانات مسلم، عن فوزه بقضيته ضد منتج أغاني السابق، الذي كان يحاربه على حد قوله في عمله، كما كشف حقيقة حمل زوجته يارا تامر، حيث قال مسلم خلال فيديو له عبر حسابه الرسمي على موقع تبادل الصور والفيديوهات إنستجرام : "عايز أقولكم على خبر حلو .. والخبر ده أنا ندرًا عليه هدبح عجلين .. وكل الناس اللي عمالة تقولي يارا حامل ولا إيه .. بقولهم الموضوع مالوش دعوة بـ يارا خالص".
معاناة مسلم مع منتج أغانيه السابق
وتابع : “الحمد لله بعد معاناة 5 سنين مع المنتج بتاعي .. والراجل ده كان بيحاول يقفلي أي باب شغل وبيحاربني في أكل عيشي .. وهوا اللي قعدني من اللايف سنة ونص .. وناس كتيرة فرحانة وشمتانة فيا، بس أنا حبيت أقولكم إن الحمد لله الدكتور حسام لطفي المحامي بتاعي اللي شقيان معايا بقاله 4 سنين .. الحمد لله كسبت بسببه القضية .. ومفيش حاجة اسمها منتج معايا تاني .. مسلم بقى لوحده .. وأنا راجع راجعة وحشة أوي ومن كتر الغل اللي جوايا .. ومستعد أنزل كل يوم تراك”.
كسبت القضية بدون ظلم
وأكمل : “والحمد لله كسبت القضية بدون أي ظلم .. وقضاء بلدي نصفني وعارف إني اتظلمت .. وإن شاء الله اللي جاي خير وخلال أسبوع هنزل أغنية جديدة .. والحمد لله إن الخبر ده جه قبل رمضان .. وكنت بخلص الألبوم بتاعي .. وبطمن كل الناس اللي بتحبني .. وكل الناس اللي بتكرهني بطمنها برضو .. بس متطمنوش أوي علشان أنا راجع أشتغل قريب .. وهنزل أغاني قريب وأنا اللي هنتج لنفسي .. وهتشوفوا حاجات عمركم ما شوفتوها الفترة الجاية وههتم بشغلي جدًا”.
تصالح مسلم مع منتج أغانيه السابق
واختتم مسلم كاشفًا عن تصالحه مع منتج أغانيه السابق : “وهرجع وأقول بكل أمانة للمنتج اللي كان واقف ضدي أنا مش زعلان منك .. وإحنا انتهينا خلاص من كل المشاكل دي .. وهوا مازال صديقي لحد دلوقتي .. ومش عايز يبقى فيه أي خلاف ما بينا وهوا في الآخر صديقي”.
