«مش هسيبك».. انفعال تامر عبد المنعم على أحد الأشخاص بسبب الترويج للشائعات

رد تامر عبد المنعم، على أحد المشككين في استضافته للفتاة أنجلينا فارس، موضحًا أنه يقول إنها إسرائيلية، قائلًا:« فوجئت إن في شخص المفروض إنه ينتمي للمهنة، أي مهنة؟ مهنة الإعلام، خرج مشككًا على فيسبوك، خرج شكك في استضافتنا للفتاة أنجلينا فارس، وقال إنها إسرائيلية، فأنا لقيت امبارح الدنيا مقلوبة، وكل شوية حد من أصدقائي أو من الصحفيين زملائي أو من الإعلاميين بيكلمني، بعتوا لي بوست لواحد بيشتغل في قناة كبيرة يعني».

تامر عبد المنعم يرد على المشككين

وتابع «عبدالمنعم»، خلال تقديم برنامج «البصمة»، على قناة «الشمس 2»:« فوجئت بيه إنه هو كاتب البوست اللي هعرضه على حضراتكم ده، يا ريت تعرضوه يا إخوانا عشان الناس تبقى شايفاه معانا، والبوست ده كتبه يوم السبت، يعني أنا شفته امبارح، إلا إنه كان كاتبه من يوم السبت اللي فات، البوست بيقول فيه إن ما ينفعش مذيع أو قناة مصرية تستضيف ضيف مواطنة إسرائيلية وتضحك على الناس، يعني ما معنى الكلام؟ وأتمنى إنه يكون عن جهل، لأن أحيانًا الجهل يكون أفضل من المعرفة».

وقال: «أنا للأسف الشديد لما سمعت هذا الكلام قلت أنا هرد، بس هرد في البرنامج اللي إنت بتتهمني فيه، ومن القناة اللي إنت بتتهمها إنها بتستضيف حد إسرائيلي، بس طبعًا، لأن أنا ما أقدرش أطلع أرد قبل ما أتأكد، عملت اتصالات وعملت استفسارات حوالين البنت اللي استضفتها، وكلمناها وتواصلنا معاها، وجبنا ما يثبت عكس الكلام ده نهائيًا، باختصار، إن ده كذب وافتراء، ومش إحنا اللي يتعمل معانا كده».

وتابع:« شخص مش هستضيف حد إسرائيلي يا أستاذ، وأنا شخص عمري ما هربت من الخطوط الأمامية في أي مواجهة، وأنا شخص لا صلة لي، ما فيش صلة ليا خالص، لا بإسرائيل ولا بغير إسرائيل، ولو أنا أعلم إن هي طلعت إسرائيلية يبقى فعلًا الكلام ده كان عن جهل، وهطلع أعتذر».