فتاة تروي تفاصيل مرعبة لتعرضها لمضايقات من سائق "إن درايفر"

نشرت فتاة مصرية على موقع فيسبوك تجربتها المريرة مع أحد سائقو تطبيق "إن درايفر"، حيث زعمت أنه حاول إجبارها على تدخين سيجارة وملامسة ساقها، وعرض عليها شرب كوب به سائل مجهول. 
 

وكتبت الفتاه عبر حسابها الشخصي فيسبوك: "يا جماعة بلاش حد يركب إن درايفر أنا النهاردة رايحة الجامعة زي الطبيعي وطلبت إن درايفر ركبت معاه لاقيته بيقولي أنتِ بتدخني قولت له لا وسكت وبعدين في نص الطريق لاقيته بيلف وشه وبيديني علبه السجاير وبيلمس رجلي اتخضيت طبعا وقولت لك أنا قولتلك مش بشرب ومش هدخن فضل يتحايل عليا عشان أخد سيجارة منها ويقولي شميها ريحتها نعناع ومعاه كوبايه".

وتابعت: "عمال يقولي اشربي شاي والله أعلم فيها إيه جيت افتح الباب عشان أنط لاقيته قافل الباب عليا، نظراته كانت وحشة جدا قعدت أتكلم معاه عشان أعرف أنزل".

وأضافت: قولت له ممكن لو فاضي ترجع تاخدني عشان أقدر أنزل وقعد يسألني انتي عايشة لوحدك ولا معاكي حد قولتلو هنزل أدي حد غلبان فلوس فى الشارع مكنش راضي وقالي هقف وهي تجيلك، لكن أنتِ متنزليش، قعدت أقول له لا هي مش هتقدر تقوم نزلني، المهم كان عنده إصرار أني أشم السجاير أو أشربها، نزلت جريت على حد كان واقف، وهو جه اتخانق معاه وخلاه يمشي، والحمد لله ربنا ستر، قعد يرن عليا بعديها، والراجل اللي وقفته رد عليه، قاله هنعمل لك محضر وزعق له جامد، والحمد لله ربنا عداها على خير، ومش هتتكرر تأني أني أركب إن درايف".