عمرو أديب يطالب المسؤولين بزيادة مكن الصراف الألي وضخ سيولة مالية أكبر

قال الإعلامي عمرو أديب: «الناس بتشتكي من الATM، بيقفوا في طوابير في أماكن كثيرة، والمسألة بتاخد وقت طويل, وجنرالات الفتي والهبت ابتدوا يردوا على الناس ويقولوا يا جماعة مبقاش في حد بيستخدم كاش دلوقتي، العالم كله ديجيتال».

كل واحد حر في فلوسه

وتابع أديب، خلال حلقة اليوم من برنامج «الحكاية» المذاع عبر شاشة أم بي سي مصر: «لكن مش كل واحد حر هو عايز فلوسه كاش، على فكرة في ناس كتير بتحب الكاش، وياريت تحلوا المشكلة بدل ما تحاولوا تتفهوا منها».

مش كل الناس بتستخدم الموبايل

وأضاف: «إحنا عاملين الATM ليه لو سمحتم؟ لازم نزود عدد الماكينات، مش كل حاجة شغالة بالموبايل عادي لسا في ناس بتحب الكاش».

واختتم عمرو أديب حديثه قائلا: «لو سمحتم زيدوا الماكينات وزودوا الفلوس اللي فيها».

وفي سياق متصل، قال الإعلامي عمرو أديب إن الأرقام الرسمية تشير منذ شهور إلى تحسن اقتصادي وتراجع معدلات التضخم، موضحا أن نسبة التضخم في عام 2023 كانت ضعف المعدلات الحالية، وأن الدولة تستهدف الوصول إلى رقم أحادي عند 7%.

المواطن يشعر بالغلاء وعدم استقرار الاسعار

وأضاف أديب، خلال حلقة اليوم من برنامج «الحكاية» المذاع عبر شاشة أم بي سي مصر: «الدولة بتقول إن السلع متوفرة، وإنها بتعمل اللي عليها وبتراقب الأسواق، لكن لما نسأل المواطن يقولك الدنيا غالية، ومش حاسس بأي انخفاض في الأسعار».

زيادة فاتورة الكهرباء والمياة

وتابع: «فاتورة الكهرباء زادت وفاتورة الميه زادت وكيلو الفراخ غلي ومصاريف المدارس زادت وكل حاجة تقريبا زادت مش قلت، وحتى لما المواطن يفك شهادات الادخار يلاقي العائد أقل، فماذا يفعل المواطن في هذه الحالة؟».

وأشار عمرو أديب إلى أن الدروس الخصوصية أصبحت عبئا إضافيا على الأسر، قائلا: «الدرس الخصوصي النهارده بقى بكام؟ الناس لسه تعبانة ومش قادرة».

رسالة هامة رئيس مجلس الوزراء 

ووجه رسالة إلى الدكتور مصطفى مدبولي، رئيس مجلس الوزراء، قائلا: «حضرتك قلت إن السنة دي هتبقى أفضل، لكن لحد دلوقتي الناس لا تشعر بأي انخفاض في الأسعار، ولسه الغلاء مسيطر».