عمرو أديب: فاتورة المياة غليت وإحنا في الشتا بنستحمى وش واحد

قال الإعلامي عمرو أديب إن المواطنين يعانون من الارتفاع المستمر في فواتير المياه والكهرباء، مشيرا إلى أن تبرير زيادة الفاتورة بارتفاع الاستهلاك لم يعد مقنعا.

وأضاف، خلال حلقة اليوم من برنامج «الحكاية» المذاع عبر شاشة أم بي سي مصر: «فاتورة المياه غليت، ولما تيجي تقول لهم غليت يقولك أنت بتستهلك مية كتير، مية إيه؟ ده إحنا في الشتاء وبنستحمى وش واحد».

تحويلات المصريين من الخارج تسهم في مساعدة المواطنين 

وتابع: « بتقعد تسب وتلعن في تحويلات الخارج لكن الناس اللي عايشة على تحويلات المصريين في الخارج لولا الفلوس اللي بتيجي من بره، ما كانش حد عرف يعيش، لأن كل واحد بيعول 4 أو 5 أفراد».

وأكد أديب أن الوضع لم يعد يحتمل، قائلا: «ما بقاش ينفع نقول إن الدولة مش بتعمل حاجة، لكن الحقيقة إن التاجر والبياع بقوا أقوى من الدولة وبيعملوا اللي هم عايزينه».

ووجه رسالة مباشرة للتجار قائلا: «لو سمحتوا، إحنا داخلين على رمضان، اتلموا، أحنا واقفين جنبكم طول السنة، لكن دول اليومين اللي الناس بتوسع على نفسها فيهم، وفيهم موائد الرحمن، حرام عليكم، عايزين تعملوا في الناس إيه؟».

واختتم حديثه قائلا: «أتمنى إن الإشاعات اللي ماشية دلوقتي عن زيادات جديدة في الأسعار تكون غير صحيحة، لأن الناس خلاص ما بقتش قادرة تتحمل».

قال الإعلامي عمرو أديب إن ملف الخبز في مصر يعد قضية تاريخية بالغة الحساسية، مؤكدا أنه عمل على هذا الملف لسنوات طويلة منذ عهد الرئيس الراحل محمد حسني مبارك وما بعده، وشهد العديد من الأزمات والخلافات المرتبطة باستيراد القمح.

أول أو ثاني أكبر الدول استيرادا للقمح

وأضاف، خلال حلقة اليوم من برنامج «الحكاية» المذاع عبر شاشة أم بي سي مصر: «موضوع القمح في مصر سلك عريان ومش سهل، ولازم نعرف إننا من أول أو ثاني أكبر دولة مستوردة للقمح في العالم، لأن عندنا العيش البلدي المدعم اللي بيعيش عليه أغلب المصريين».

تساؤلات حول استيراد القمح

وأشار أديب إلى أنه في الآونة الأخيرة ظهرت تساؤلات كثيرة حول ملف القمح والجهة المسؤولة عن استيراده، موضحا: «زمان كانت هيئة السلع التموينية هي المسؤولة عن الاستيراد، ثم ظهر جهاز مستقبل مصر المعني بالتنمية المستدامة والزراعة، وأصبح هو الجهة المسؤولة عن استيراد القمح في مصر».