عبلة سلامة تنصح الستات: الصمت أحيانًا أعلى درجات القوة

وجهت الإعلامية عبلة سلامة رسالة صريحة ومباشرة للنساء، تناولت فيها قضية الخوض في الحياة الشخصية على مواقع التواصل الاجتماعي ووسائل الإعلام، مؤكدة أنها لا تحاكم أحدًا ولا تصدر أحكامًا».

 قالت في منشور لها عبر حسابها على موقع التواصل الاجتماعي «فيسبوك»: «هكلم هنا الستات ومش بأحاكم حد، لو انتي اضطريتي في وقت من الأوقات تتكلمي عن حياتك الشخصية، على السوشيال ميديا أو في الإعلام، ده قرارك وانتي حرة، بس اسمحيلي أقولك حاجة من القلب».

وأضافت: «الصمت مش ضعف الصمت ساعات بيبقى منتهي القوة، خصوصًا وقت الخلاف أو الانفصال وبالذات لو في اولاد».

وتابعت: «صدقيني، احترامك لنفسك، ولاولادك، ولخصوصية بيتك، ولأبو اولادك مهما كان الخلاف، بيخلّي الناس وقللهم ولادك تحترمك أكتر بكتير من أي حكاية تتحكي أو ترند يطلع ومهما كان الخلاف ومهما كان الوجع، هو في الآخر وهيفضل طول العمر أبو ولادك. وولادك شايلين اسمه، وقلوبهم شايلة أكتر».

وأوضحت: «خليكي ست عاقلة، خليكي ست تقيلة، بلاش نبقى ستات خفيفة على حساب نفسنا أو على حساب ولادنا، بلاش نركب موجة، ولا نكسب تعاطف مؤقت، ونخسر احترام طويل».

واختتم: «حياتك الشخصية، خلافاتها، انفصالها، وجعها، دي حاجات تخصك إنتي وشريكك وبس، مش مادة، ومش محتوى، ومش مكسب، واللي اختارت السكوت احترامًا لنفسها ولولادها، دي ست قوية وتستاهل كل الاحترام».

وفي وقت سابق، توعدت الإعلامية عبلة سلامة بالحظر فورًا لأي شخص يقوم بإهانتها أو بإهانة أحد ضيوفها، وذلك من خلال منشور عبر حسابها الرسمي على موقع التواصل الاجتماعي فيسبوك.

عبلة سلامة تهدد بالحظر 

حيث قالت عبلة سلامة في منشورها: “من هنا ورايح، أي إهانة لضيف من ضيوفي، أي إهانة لأي شخص موجود على صفحتي، أي إهانة ليا أنا شخصيًا، أي قلة أدب، استظراف، أو معاكسات رخيصة، أي حد يتخطى حدوده في الكلام أو الهزار الغير محترم، بلوك فورًا، من غير مسح تعليق، من غير نقاش، من غير رد، الصفحة دي مكان محترم ، والاحترام مش قابل للتفاوض، الموضوع خلص على كده.”

عبلة سلامة تكشف مفاجأة عن برنامج عندك وقت مع عبلة

ووجهت عبلة سلامة رسالة للجمهور مع اقتراب نهاية حلقات الموسم الأول من البرنامج الذي لاقى نجاحا كبيرا في المجتمع المصري، وقالت عبلة سلامة من خلال منشور عبر حسابها الرسمي على موقع التواصل الاجتماعي فيسبوك: “٣ حلقات ونقفل موسم كامل (١٣ حلقة) من برنامج عندك وقت مع عبلة وحابّة أقولكم حاجة، الحلقات الـ١٣ كلهم اتصوروا فعلًا، وترتيب إذاعة الحلقات مش هو ترتيب تصوير الحلقات، علشان ساعات بيبقى في إحساس إن لسه الجاي بيتصور، الحقيقية الموسم كله متصور ومتجهّز من البداية وابتدينا في أبريل 2025، الرحلة دي كلها اتعاشت واتصورت من بدري خطوة خطوة، ممتنة قوي لكل كلمة حلوة، لكل متابعة، ولكل حد صدّق في البرنامج من أول حلقة ولكل حد صدق فيا وشجعني، فاضل ٣ حلقات، يارب تحبوهم زي ما أنا حبيتهم، كمّلوا معايا للنهاية، لسه في كلام مهم ولسه في وقت”.

ويعد برنامج عندك وقت مع عبلة، هو برنامج حواري في إطار غير تقليدي تستقبل فيه الإعلامية عبله سلامة، نُخبة من أبرز نجوم الصف الأول حيث تدعوهم لفتح قلوبهم والتعرف عن قرب على اللحظات الحلوة والأوقات الصعبة، من خلال أسئلة ذكية مُخطط لها بعناية لكل ضيف.

حلقة عبلة سلامة وتامر حبيب

وقد تصدرت حلقة السيناريست تامر حبيب مع الإعلامية عبلة سلامة تريند جوجل بعد تصريحاته والأسرار التي كشفها أول مرة عن أعماله السينمائية في برنامج "عندك وقت مع عبلة" المذاع السبت من كل أسبوع على mbc مصر.