عبير الشرقاوي: بابا عمره ما اتبرى مني ولا قاطعني علشان الحجاب
نفت عبير الشرقاوي، ابنة المخرج الكبير الراحل جلال الشرقاوي، ما زعمه البعض بشأن تعطيله للكوكيشن التصوير من أجل الصلاة، كما نفت مقاطعته لها بعد ارتدائها الحجاب.
وكتبت عبير الشرقاوي عبر حسابها بموقع فيسبوك: “في بوست منتشر أوي الأيام دي عن قصة إلهام شاهين مع المخرج اللي كان بيعطل اللوكيشن علشان الصلاة وفي ناس اعتقدت إنه والدي وفي ناس تانية غريبة جدا قايلة في التعليقات إنه استحالة يكون جلال الشرقاوي علشان هو قاطع بنته لما اتحجبت واتبرى منها”.
وأضافت: “الناس دي أساءت لوالدي بطريقة غريبة جدا ومستفزة .بابا عمره ما اتبرى مني ولا قاطعني علشان الحجاب .بابا كان نعم السند والضهر ونعم الأب اللي عمري ما هعرف اعوض ضفره. كان دائم الحرص على مصلحتي ومشفتش في حياتي حد بيخاف على زيه وكان لما حد يجي يطلب منه طلب صعب الموافقة عليه كان يقول له وحياة عبير علشان يخليه يوافق من غير مقاومة.اتقوا الله فى بابا الله يرحمه واذكروا محاسن موتاكم”.
