«الغربة بتعصرهم».. محمود سعد يكشف قصص كفاح المواطنين المصريين في الخارج
تحدث الإعلامي محمود سعد عن ملايين المصريين المغتربين المقيمين في الخارج، قائلا: «محدش عنده إدراك يعني أي واحد سايب وطنه ومسافر برا، على فكرة معظمهم مش دكاترة ومهندسين ودارسين قانون، في شق منهم ناس بتكافح كفاح مرير والغربة بتمتصهم وتعصرهم عصر».
إدراك قيمة الغربة
وأضاف خلال فيديو على منصة «X»: «لا بد من إدراك قيمة الغربة، بمعنى معرفة ماذا تسبب الغربة لصاحبها، شيء رهيب وفي منتهى الصعوبة، يعني المغترب بيسيب أسرته وعيلته ويغترب ويقعد يكافح، وبيعيش في أوضة فيها 9 أنفار وبياكل أكل قليل جدا عشان يحوش قرشين، بالتالي أقل واجب نعمله إننا نساعدهم على أد ما نقدر».
المغتربين نماذج مكافحة
وتابع: «بفرح لما بيكون في مشروع بس أراضي مميزة ياخدها المصريين في الخارج، مش عشان بيدخلولنا فلوس ولا عشان بيمثلونا برا، دا عشان بيعملوا جهاد».
وواصل: «90% من المواطنين في مصر في الداخل بيكافحوا عشان لقمة العيش، لكن الكفاح دا مع غربة وفيها بلاد مختلفة ونوعية البشر مختلفة في اللي بيقدرهم وبيحترمهم وفي اللي بيهينهم وبياخد جواز السفر ويحبسوهم، في اللي بينجح ويحقق إنجازات، بالتالي لازم لما ييجي وطنه يبقى حاسس إننا بنحضنه ونطبطب عليه ونقوله متشكرين مش عشان العملة الصعبة لأ عشان نموذج مكافح».
في وقت سابق، كشف الإعلامي محمود سعد أنه يتحدث مع نفسه كثيرًا ويفكر كيف وصل إلى المكانة التي عليها الآن.
وقال محمود سعد: "أنا أوقات بكلم نفسي، مفيهاش حاجة لما أكلم نفسي.. قاعدين أنا ونفسي طول الوقت مفيهاش حاجة لما أكلمها. وبتأمل أنا وصلت للمكانة دي إزاي، بصرف النظر هي مكانة عظيمة أو على قدي لكن أنا في مكانة بفكر وصلت لها إزاي.
من ناحية أخرى، كان محمود سعد كشف عن أسماء الفنانين الذين يفتقدهم، مشيرًا في فيديو عبر حسابه بموقع إنستجرام إلى أنه يشتاق لكثير من أصدقائه الفنانين الذين رحلوا ولم يتحيل أن يفارقهم، مثل أسامة أنور عكاشة، أحمد زكي، صلاح السعدني، وحيد حامد، نبيل الحلفاوي، الأبنودي، وعمار الشريعي.
وأعرب محمود سعد عن استيائه من نفسه لعدم الحديث مع عمار الشريعي في أمور مهمة حول حياته، حيث أنه لم يكن يخطر في باله أنه قد يرحل فجأة، حيث قال: “الواحد مكانش الحياة كويس، كنت بتكلم معاه بالساعات مسألوتش ليه في حاجات مهمة، رغم إني مؤمن بالحياة والموت”.
