جوازي من علياء إنجاز لذيذ.. أحمد سعد يكشف أن زوجته هي محور حياته
ظهر الفنان أحمد سعد في برومو حلقته مع الإعلامي أنس بوخش في برنامجه ab talks، وخلال البرومو تطرق في حديثه إلي زواجه من علياء بسيوني، وقد أوضح أنها هي محور الكون بالنسبة له.
حيث قال أحمد سعد في البرومو: “كل حاجة في حياتي بتدور من خلال علياء مراتي، أنا مرتاح لأن في حد شايل همي من جواه، حاسس إنى عملت إنجاز لذيذ”.
علاقة أحمد سعد بالجمهور
وقال أحمد سعد في برومو اللقاء عن علاقته بالجمهور : "الناس مابيضحكش عليها .. وعارفة إنك حقيقي .. والموسيقى هي اللي اختارتني .. وأنت جاي علشان تسمعني علشان تنبسط".
وواصل : “لو عمري اتعاد ألف مرة هعمل كل الحاجات اللي عملتها تاني .. وفي آخر 7 أو 8 سنين مقرأتش كومنت واحد .. واللي نجحني إني كنت عارف إني هنجح في يوم من الأيام .. هي الناس اللي ماكنتش عارفة”.
أحمد سعد يقابل كاظم الساهر
وفي سياق آخر، كان قد تقابل سعد مع قيصر الغناء الفنان العراقي كاظم الساهر على متن إحدى الطائرات، وحرص على التقاط بعض الصور التذكارية لهما سويًا، ونشرها عبر صفحته الرسمية على فيسبوك.
وكتب أحمد سعد تعليقًا على لقائه بـ كاظم : “ ها حبيبي - أنت مدرسة الحب - علمنا حبك أن نحزن - قيثارة الفن، لقاء جميل بصديقي وأستاذي العزيز كاظم الساهر”.
أحمد سعد يكشف سبب حديثه المثير للجدل عن The Voice
ومن ناحية أخرى، سبق وكشف الفنان أحمد سعد عن سبب حديثه المثير للجدل عن برنامج The Voice، الذي عُرض مؤخرًا عبر شاشة قناة MBC مصر، وحقق نجاحًا كبيرًا بالوطن العربي بعد نجاح المتسابقة جودي شاهين، من فريق الفنانة رحمة رياض، وحديثه بقول: أنا اتخدعت ليوضح ذلك الأمر.
وقال سعد في تصريحات صحفية : “بكن كل الاحترام لكل القائمين على البرنامج .. وأنا بتكلم عن نفسي .. الناس هتقول لو كنت كسبت كنت هقول اتخدعت؟ .. ولكن أنا بتكلم عن الغلطات اللي عملتها في حق نفسي وجمهوري مثل أحمد عوادي والجمهور اليمني وأنا غلطت في اختبارات كتيرة مكنش لازم أعملها”.
وأكمل أحمد سعد : “اخترت حاجات مش بـ إرادتي الكاملة .. ومعرفش أقولها ولو اتعاد عليا الزمن زي أحمد عوادي في البرنامج .. كان ممكن أختارها بشخصيتي أنا ولكن اللي حصل حصل .. وكان المفروض ما اشتركش في التجربة دي أصلًا .. وده بسبب شخصيتي أنا لأن طريقة البرنامج مش مناسبة ليا أنا”.
واختتم سعد حديثه : “طريقة البرنامج مش مناسبة ليا أن أظلم حد على حساب حد .. وأنا بعتذر لجمهوري .. ولكن مش بتكلم على حد ولا بقول إن حد عمل حاجة غير قانونية”.
