يقصد مين .. يوسف الحسيني لنائب: إنت قد المسئولية ولا انفلونسر ولا عايز اللقطة؟

قال الإعلامي يوسف الحسيني، إن هناك ضرورة مهمة للتحقق من الخبر أو المعلومة قبل الترويج لها، معلقا: «طالما خدت القرار إنك تبقى مواطن تساعد في الترويج لمعلومة أو لخبر تحقق الأول منه واعرف مصدره إيه، ودا فيما يتعلق بنسبة تصدير وإنتاج مصر للتمور».

قلق من البرلمان القادم

وأضاف الحسيني، خلال برنامج «مساء جديد»، المذاع على قناة «المحور»: «أنا قلقان من البرلمان اللي جاي جدا، من فكرة يلا بينا نعمل لقطة دا قلق، لأن العمل البرلماني مش هزار يعني الاستجواب دا حدوتة كبيرة أوي، وقبل ما أعمل استجواب لازم أبقى عارف أنا بقول أي».

الأدوات البرلمانية ليست هزارا

وأكد يوسف الحسيني أن الأدوات البرلمانية ليست هزارا، لأنه يسمى مجلس النواب المصري الذي يعتبر أقدم مجلس نيابي موجود في المنطقة بالكامل، مشيرا إلى النواب الموجودين في المجلس على عيننا ورأسنا، لكن لا يجب أن ينسى أحد أن هذا المجلس كان يقيم الدنيا ولا يقعدها على إيد مجموعة من الأشاوس وليس محب اللقطة.

نواب اللقطة

وتابع: «في فرق ما بين إني أطلع أعمل جو الأستاذ عبد الفتاح الأسري لما قاله اكتبلنا كلمتين حلوين زي حيثما وربما وأيها دي لقطة، أنا مش عاوز نواب لقطة ويقول كلمتين حلوين عشان يتصور فيديو على تيك توك وفيسبوك مانا مش جايب يوتيوبر يعم».

انت أد المسؤولية والا انت عايز تبقى إنفلونسر؟

وواصل الإعلامي يوسف الحسيني: «انت أد المسؤولية والا انت عايز تبقى إنفلونسر؟، أخش أقدم استجوابي لما يتناقش الاستجواب، استبق أنا بقى وأبدأ أعمل لقطات وحركات، أقدم طلب إحاطي وأستنى لحد مشوف طلب الإحاطة بيتناقش ازاي ونوصل للنتائج، لكن أعمل زمبليطة وزيطة وحركات، عايز أعمل حاجة انت بتشتغل والا جاي تاخد لقطة وتعملي فيها الشاب المؤثر والأنفلونسر واليوتيوبر، انت عايز أي؟ ما تخلونا ساكتين يا جدعان».

يوسف الحسيني: احنا  عارفين بعض كويس

واختتم: «ماهو مش كل واحد معدي خد MBA ودكتوراة مهنية ولزقلي على صدره إن هو اسمه الدكتور، ماحنا عارفين بعض، اه انت، احنا هنقعد بقى نهجص؟».