اشتريت نفسي.. حنان شوقي تكشف سبب تغيبها عن الساحة الفنية |فيديو
حلت الفنانة حنان شوقي في لقاء خاص مع الإعلامية يمنى البدراوي في برنامج ورقة بيضا، وتطرقت في حديثها إلي سبب تغيبها بعد نجاحها الكبير في مسلسل ليالي الحلمية.
سبب تغيب حنان شوقي عن الفن
وقالت حنان شوقي في اللقاء: “غيابي عن الفن من 2002 كان قرار مني اشتريت نفسي اشتريت الآخرة واشتريت روحي أني عايزة أبقى اللي جوايا برايا، مش عايزة أكون متعددة الماسكات أو بكذا وش، عايزة أبقى أنا، طبيعتي صريحة جدًا وصريحة بأدب ومبعرفش أتعامل مع الوجوه الكتير بتبرجل، بتعامل مع الناس كلها بحب شديد، لكن أنا شايفاكي متغيرة طب أحبك ولا أكرهك طب أنا اللي صح ولا أنتي، فأنا وقفت في المرحلة دي الناس صح ولا أنا، كلمت ربنا وقولتله لو انا صح ارشدني لناس شبهي ولطريق صحيح ولو أنا غلطت قولي”.
نقطة التحول في حياة حنان شوقي
وعن نقطة التحول في حياتها، قالت حنان شوقي: “شوفت ليلة القدر، وهي ليلة لا يمكن أن أنساها، كانت رؤية ظاهرية، وحسيت بإحساس كبير من الحب والحنية والرحمة، وتغيرت من داخلي، أصبحت لا أرى أي عيوب، بعدها حصل موقف خلاني اتقهرت وشعرت بالحزن والخذلان الشديد، لما طلبت من منتج المشاركة في عمل فني، وندمت على ذده، ومكررتهاش تاني”.
