باسم سمرة عن الألفاظ الخارجة فى العتاولة 2 : الشارع المصرى اتغير عن زمان
استضاف الإعلامي عمرو أديب، باسم سمرة، فيفي عبده ونسرين أمين، أبطال مسلسل العتاولة، الذي حقق نجاحًا ملحوظًا أثناء عرضه خلال شهر رمضان الماضي، وذلك خلال حلقة الليلة من برنامج الحكاية، الذي يُعرض على قناة MBC مصر.
وعلّق باسم سمرة على الجدل الذي أثير حول الألفاظ الخارجة في المسلسل، قائلًا : الشارع المصري اتغير عن زمان، وبالتالي الدراما بقت مختلفة، ودلوقتي بقى في قضايا كتير ممكن نناقشها، ولما بتكلم عن قضية مش معناه إني بسئ، أنا ممكن أسلط الضوء على المشكلة، والحل يبقى من الدولة، مش ضروري أقدم الحل كممثل.
وتحدث باسم سمرة عن كواليس العمل، موضحًا أن تقديم جزء ثانٍ من المسلسل لم يكن مخططًا له منذ البداية، قائلًا : مكناش عارفين إننا هنعمل جزء تاني، ودوري كان هيخلص وكنت هموت عشان أنا الشرير، لكن رجعت لما قررنا نستكمل القصة بجزء جديد .
كما أبدى باسم سمرة عن سعادته بالتعاون مع أحمد السقا وطارق لطفي، وقال : كنا بنعمل بروفات بصورة مستمرة مع المخرج، وكان عندي مشاهد ارتجالية كتير معاهم على الهواء، واستمتعت جدًا بالشغل معاهم.
وتحدث طارق لطفي عن أسباب مشاركته في الجزء الثاني من المسلسل قائلًا : مقدرتش أقول للعتاولة 2 لأ، والنجاح الكبير للجزء الأول من العتاولة هو ما دفعنا لتقديم جزء ثاني.
وعن تعاونه مع أحمد السقا وباسم سمرة، قال : أحمد السقا مجنون أكشن، وباسم كل يوم بيطلعنا بإيفيه جديد وهو دمه خفيف جداً، وطلعنا عليه إشاعة إن الوزان أطيب منه بكتير، ولكن في الحقيقة هو أطيب حد فينا إحنا التلاتة.
وعن الانتقادات التي وجهت للعمل، قال : الانتقادات لأي عمل واردة طول الوقت، وكلنا كان عندنا وعي أننا منحاولش نعمل حاجة تضايق الناس.
وقال أحمد السقا: ربنا رزق باسم سمرة بدور عيسى الوزان وأي ممثل تاني مكنش هينجح فيه، وبشكر المخرج أحمد خالد صالح والمؤلف مصطفى جمال هاشم وشكرًا لـ للمستشار تركي آل الشيخ على تعليقه أن العتاولة 2 حقق أعلى نسبة مشاهدة وأي ماتش بين الأهلي والزمالك هنعتبره تقسيمه بعد كده.
وأوضح طارق لطفي: النجاح الكبير للجزء الأول هو اللي دفعنا لتقديم العتاولة 2 وبالتأكيد وجود المخرج أحمد خالد موسى وشركة منتجة كبيرة كانت دافع كبير لينا وسعيد بالشغل مع نسرين أمين.
وأضافت: معرفش موتوني ليه في العتاولة وقلبي كان بيدق جامد خصوصًا في أنا عملت المشهد ده في مسلسل الحقيقة والسراب وعيطت أنا وباسم سمرة في المشهد ده.
مسلسل العتاولة 2 بطولة أحمد السقا، طارق لطفي، زينة، باسم سمرة، فيفي عبده، نسرين أمين، أحمد كشك، مصطفى أبو سريع، مي القاضي، هدى الإتربي، مريم محمود الجندي وآخرين كما شارك في العمل العديد من ضيوف الشرف منهم محمد علاء.
