ياسمين عز: خطيبك مش هيطلع السلم انزلي شليه من نص الشارع
أثارت الإعلامية ياسمين عز جدلا واسعا بتصريحاتها الأخيرة عن كيفية التعامل مع الخطيب، حيث قالت خلال تقديم برنامجها «كلام الناس»، المذاع على شاشة قناة «إم بس سي مصر»: «لو خطيبك جاي يزوركم في البيت مفيش حاجة اسمها يطلع السلم ويتعب ويخبط على الباب.. لا تنزلي تشليه من نص الشارع على أكتافك وتطلعي بيه لحد شقتكم حتى لو ساكنة في الدور الخامس لأن بر الخطيب من بر الأم».
التعامل مع الخطيب
وأضافت: «خلاص دخلتيه ونزلتيه من على كتفك جوه باب الشقة تحفة، خطيبك جالكم البيت يشتغل بلقمته بقى، والا هتتحسب عليه خطوبة والسلام؟، لا بعد ما تتخطبي خطيبك هيزوركم مرة في الأسبوع هي مرة كفاية مش مرتين ولا تلاتة».
نصيحة لزيادة الدفء والمودة بين الزوجين
في وقت سابق، قدمت الإعلامية ياسمين عز نصيحة لربات البيوت، مشيرة إلى أهمية الاهتمام بالطعام كوسيلة لزيادة الدفء والمودة بين الزوجين في فصل الشتاء.
وقالت ياسمين عز خلال حلقة جديدة من برنامجها «كلام الناس» الذي يعرض على قناة إم بي سي مصر: «يا مدام، نصيحتي ليكي هاتي كرنب واعملي لجوزك حلة محشي، والشتا بيحب الكرنب، ومتخلصيش أنت وعيالك الحلة وتديله الباقي، ولكن إديله اللي في نص الحلة وحطيله طبق سرفيس مليان».
وأضافت قائلة: «اعملي المحشي ودفي جوزك، واعملي له سحلب ودفيه، ولو معندكيش سحلب هاتي لبن ودفيه وحطي عليه مكسرات، هيشربه وهيفكره سحلب».
وانتهت ياسمين عز نصيحتها، قائلة: «الشتا زمان بيحتاج مش بس تدفئة الجسم، لكن كمان تدفئة القلب، وأكلة زي دي هتخلي جوزك يفتكر الشتاء بشكل مختلف».
وفي سياق أخر، قالت الإعلامية ياسمين عز، إن الدكتور مصطفى مدبولي، رئيس مجلس الوزراء الحالي، يعد من الشخصيات المحورية في الحكومة المصرية، مشيرة إلى أنه قضى 8 سنوات في منصبه ويعرف جيدا كافة التحديات والمشاكل التي تواجهها البلاد.
وأضافت عز، خلال برنامجها «كلام الناس» الذي يعرض على قناة إم بي سي مصر: «الدكتور مصطفى مدبولي معانا بقاله 8 سنين، وعارف كل مشاكلنا، اللي نعرفه أفضل من اللي مانعرفوش، وكفاية إنه بقى فاهم وعارف الملفات وكمان عارف مشاكلنا بشكل دقيق»، مؤكدة أن مدبولي لديه دراية شاملة بكل التحديات التي تواجه الحكومة، وهو يعمل دائما على إيجاد حلول لها، حتى في أصعب الظروف.
