هدى الإتربي ترد على التساؤل حول موعد زواجها |فيديو

ردت الفنانة هدى الإتربي على التساؤل حول موعد دخولها عش الزوجية، وذلك ضمن لقائها مع فوشيا عبر يوتيوب.

وقالت هدى الإتربي : "لما ألاقي الشخص المناسب هتفرحوا بيا إن شاء الله".

وكشفت الإتربي خلال نفس اللقاء كواليس تعاونها مع الفنان ياسر جلال في مسلسل كلهم بيحبوا مودي، وشقيقه الفنان رامز جلال في فيلم بيج رامي.

وقالت هدى الإتربي :  "بدأت الموسم بمسلسل كلهم بيحبوا مودي وكنت حابة أعمل عمل واحد بس السنة دي في رمضان .. بس لما جالي الدور في مسلسل مناعة مقدرتش أقول لأ عليه".

وعن مسلسل كلهم بيحبوا مودي، تابعت : "المسلسل اجتماعي كوميدي بيحكي عن واحد بيتجوز كتير .. وأنا بقدم دور أحد زوجات ياسر جلال وعندي هوس به .. وبتطارده طول الوقت في إطار كوميدي".

وعن التعاون مع ياسر جلال، واصلت هدى الإتربي : "إشتغلت قبل كده مع ياسر جلال في مسلسل ضل راجل وبتفائل بالشغل معاه .. والكيميا بينا قدام الكاميرا خطيرة .. وياسر بقاله كتير ماقدمش كوميدي .. بس المفاجأة إنه دمه خفيف أوي في الكوميدي".

أما عن رامز جلال، أضافت هدى : "رامز رغم إن الناس بتشوفه دايمًا بيهزر بس هو جد جدًا في شغله .. وبيركز جدًا في الكواليس".