عندك استعداد تقلعي هتشتغلي.. ياسمين كساب تثير الجدل بتصريح صادم بعد الاعتزال
خرجت الفنانة ياسمين كساب عن صمتها بعدما أعلنت اعتزالها الفن عبر موقع نيوز رووم، لتعبر عن استيائها من تغير معايير اختيار الفنان، مما جعلها ليست من النجوم المتواجدين على الشاشة حاليًا.
ياسمين كساب: “عندك استعدان تقلعي هتشتغلي”
وقد أثارت ياسمين كساب الجدل بتصريح لها عبر نيوز رووم، حيث قالت: “بقيت بكتشف أن الشغلانة مش للي تعب الشغلانة للي معاه حد يزقه، تعرف بقى تمثل أو متعرفش مش مشكلة، عندك استعداد تقلعي تشتغلي، عندك استعداد تتفضحي تشتغلي، بقيت المقاييس والمعايير بتاعت الشغلانة للأسف رديئة ورخيصة، لكن لو أنتي إنسانة عندك مبدأ وعندك أخلاق وعندك قرار أو أفكار، أنتي خليكي قاعدة في بيتك بقى، كان نفسي أكمل في الشغلانة دي لأني بحبها واختارتها وأنا عندي تقريبا 14 15 سنة، وده دلوقتي داخلة في الأربعينات، فأنا مش هضيع أكتر من كده من عمري، لأن مافيش تقدير، التقدير رايح للي مالهمش قيمة، فمبروك عليهم.”
استياء ياسمين كساب
وأعربت ياسمين كساب عن استيائها قائلة في تصريحاتها: “أحنا بقينا ظالمين أوي، الشغلانة دي قاسية اوي، واللي شغالين فيها قاسيين جدًا وقلالات الذوق ونصابين، وياكلوا مال النبي، يعني تسمسر من الشغلانة فلوس قد كده على حساب الشباب الصغير وممكن يكون كل حد فيهم عنده بيت ومحتاج الفلوس، وأنت بتشيل وتحط في كرشك، في الأخر تروح تجيب شوية أشكال زبالة تحطهم على الشاشة، وتعملهم فنانين، ياخي اتقوا الله بقى بوظتوا الشغلانة”.
ياسمين كساب تعتزل الفن
وقد أعلنت الفنانة ياسمين كساب من خلال موقع نيوز رووم عن اعتزالها مجال الفن، وذلك بعدما رأته من مجاملات وظلم كبير في المجال، حيث رأت ان كل ما قامت به من أعمال وتعب طوال 23 عام لا شئ مقابل ما يحدث في المجال الأن.
حيث قالت ياسمين كساب في تصريحها: “هعتزل الفن و الواحد لو مش هيموت من المرض هيموت من القهرة والظلم والمجال بقى كله مجاملات، ضاع من عمري 23 سنة في شغلانة محدش ساندني فيها 1%".
ياسمين كساب: “شغلانة الناس اللي عندها فضايح”
وقد أوضحت الفنانة ياسمين كساب أسباب أعتزالها الفن، في تصريحات خاصة لـ موقع نيوز رووم، حيث كشفت أن من كانت لديه قضايا آداب أو مخدرات أصبحوا نجوم، ولم يكن أحد يسمع عنهم من قبل.
وقالت ياسمين كساب في تصريحاتها: “الشغلانة دي بتاعت الناس اللي عندها فضايح هما اللي بينجحوا، الناس اللي اتمسكوا في الاداب بقوا نجوم واللي عندهم قواضي مخدرات بقوا نجوم، الناس اللي عندها فيديوهات مخلة بالأداب على السوشيال ميديا بقوا نجوم، الناس بتوع التيك توك بقوا نجوم، أنا بقى ضاع من عمري 23 سنة في شغلانة محدش ساندني فيها 1% والحمدلله نجحت بمجهودي وبإصراري واحترامي لشغلانتي”.
