حصل لبس مع مذيعة تانية.. نادر أبو الليف يكشف تطورات أزمته مع المذيعة
كشف المطرب نادر أبو الليف عن وجود سوء فهم لمنشوراته الأخيرة وأنه لم يقصد المذيعة التي انتشر اسمها، وانها صديقته القريبة، وذلك في منشور عبر حسابه الرسمي على موقع التواصل الإجتماعي فيسبوك.
حدوث لبس مع مذيعة أخرى
وقال نادر أبو الليف في منشوره: “السلام عليكم ورحمة الله وبركاته، حصل يا جماعة الخير لبس في موضوع المزيعة مع صديقة واخت محترمة مذيعة تانية خالص، والموضوع لا يمت بأي صلة لها لا من بعيد ولا من قريب وهذه المذيعة من يوم لما إتعرفنا علي بعض وهي في منزلة أخت وصديقة عزيزة غالية ويشهد الله علي كلامي وهذا للعلم بالشيئ لأنها تواصلت معي وزعلانة علشان البوست اللي نزلته ووضحت الصورة لها، وتحت أمرها لأنها أخت عزيزة بكنلها كل التقدير والاحترام والأخوة، وهذا توضيح وتعديل لسوء الفهم فقط لا غير وشكرا”.
نادر أبو الليف يرد على الهجوم الذي تعرض إليه
وقد أثار الفنان نادر أبو الليف الجدل خاصة بعد الحديث عن أزمته مع مذيعة شهيرة، وفي أول تعليق منه خرج عن صمته ليهدد كل من تدخل في أزمته وتحدث عنه بشكل لا يليق، وذلك من خلال منشور عبر حسابه الرسمي على موقع التواصل الإجتماعي فيسبوك.
وقال نادر أبو الليف في منشوره: “السلام عليكم ورحمة الله وبركاته إلي كل من إتريق وقال عليا أي كلام فاضي ومقدرش ولا فهم مقصود البوست، وعمال يهري ويهبد وبيزيد عايز اقولهم عيب وكل واحد يلزم حدوده ويحترم نفسه، علشان المفروض إنكم ناس مثقفة وناس بتفكروبتقدر وبتفهم، واللي بيقول إن أنا بشهر بالمذيعة وعايز يرفع قضية هترفع قضية علي إيه يا ناصح إخواتك، أنا لا قولت أي شئ يدل على هي مين يبقي هترفع قضية علي إيه بلاش هبد، وعيب عليكم لأن أنا لو عايز اقول هي مين كنت قولت وعرفتكم وأي رد فعل منها أنا قابل وموافق، وأي حد عايز يرفع قضية علي البوست إللي نزلته أنا جاهز جدا بس لو خسرتوا القضية أقسم بالله ما هتصعبواااا علياااا ومش هتنازل وهاخد حقي بما يرضي الله ثم بالقانون، علشان كل من تسول له نفسه يعرف قبل ما يخطي أي خطوة ويتقي الله لان أنا والحمد لله ماشي جوا الحيط ولا ليا في اليمين ولا في الشمال ولا ليا في اللف والحوارات اللي بتقولوا عليها لأن العمر عدي وفات ولا يبقي منه غير القليل والحمدلله راضي بكل ما مريت بيه في حياتي وفي دنيتي”.
واختتم نادر أبو الليف منشوره قائلًا: “وارجو يكون كلامي إتفهم واوضحت الصورة وممكن يكون اللي كتبته غير مقصود بالمعني اللي وصل لكم، ولكن أنا غير مسؤل عن تفكيركم وضمائركم لأن فيه ربنا هو اللي في الآخر هنقف كلنا قصاده وهنتحاسب، وأنا راضي كل الرضي، واشكركم وأسف علي الإطالة”.
