بعد منشور ياسمين عبدالعزيز.. عمرو ياسين: الدراما بتاعتي لا تخدم أهداف أخرى
علق السينارست عمرو محمود ياسين على الافتراضات التي صاحبت منشور الفنانة ياسمين عبد العزيز والتي ألمحت فيه أن طليقها أحمد العوضي يوجه اللجان الإلكترونية ضدها بعدما شاركت منشورًا يكشف عن أن الفنان خالد سرحان يجسد دور طليقها في مسلسل وننسى اللي كان ويحرض اللجان ضدها، وهو الأمر الذي فسره البعض بأنها أحداث المسلسل تتناول جانبًا من بعض أزمات الفنانة ياسمين.
وأكد عمرو محمود ياسين أنه لم ولن يستخدم كتابته لأعماله لخدمة أهداف أخرى:"بقرأ كتير بوستات وتعليقات عبيطة وبضحك من سذاجة المكتوب.. كلمتين هقولهم ... عمر ما حصل ولا هيحصل إني أكتب الدراما بتاعتي لخدمة أهداف محددة.. لا حصل ولا هيحصل ولا عمر ده اتطلب مني أصلا.. أنا بحترم مهنتي جدا وصوتي من دماغي..أنا مؤلف بيحضر تصوير كل شوت في مسلسله عشان اضمن دايمًا أن النص بتاعي بيسير في الاتجاه اللي أنا مقتنع به ..وبقف على الكلمة والحرف وكل اللي اشتغلوا معايا عارفين الكلام ده".
وأضاف عمرو محمود ياسين: “يعني قصة اي مسلسل هي قراري واختياري..عنوان المسلسل ..أسماء الشخصيات كل حرف وكلمة هو ملكي ومسؤوليتي ..وفي نفس الوقت بيتم في إطار شغل جماعي واحترام متبادل بيني وبين كل عناصر العمل”.
وتابع عمرو محمود ياسين: “لكن أي بقى تفصيلة تتشابه أو تتقاطع مع أي شخصية في الحياة فده أمر وارد ..لأن أي مؤلف في الدنيا ينهل من وعاء الحياة والمجتمع اللي عايش فيه. فكفاية افتراضات ساذجة.. والحمدلله إني بشتغل دايما مع فنانين ونجوم محترمين اقدر حجمهم وبيقدروا دوري وشغلي ..وأشوفكم قريبا في رمضان إن شاء الله”.
