وليد صلاح الدين: توروب نجح في تجهيز لاعبي الأهلي نفسيا

تحدث وليد صلاح الدين مدير الكرة بالنادي الأهلي، عن فوز الأهلي على يانج أفريكانز التنزاني في دوري أبطال إفريقيا.

وقال وليد صلاح الدين في تصريحات تلفزيونية:" الحمد لله والله، كانت مباراة مهمة جداً بالنسبة لنا مبروك لجماهير النادي الأهلي، وكنا متخوفين منها بشكل كبير لأن إحنا طبعاً عندنا 8 لعيبة منتخب مصر".

وتابع:" بنهني منتخبنا طبعًا على الأداء، ولكن كنا نتمنى نكسب البطولة لكن محدش قصّر سواء جهاز فني أو لعيبة".

وأكمل:" الدوليين مخدوش غير تمرينة واحدة بس يوم 21 فكنا قلقانين بشكل كبير جداً".

وتابع:" توروب في اليومين دول حاول يشتغل على التاكتيك وحاول يشتغل على الناحية النفسية، فالحمد لله يعني مباراة كانت بالنسبة لنا "عنق زجاجة" مهمة جداً إن إحنا نكسبها، لأن أنت عارف هيبقى التكتيك مختلف والتمرين مختلف والأجواء مختلفة، فالحمد لله إنها عدت على خير.

وأضاف:" بخصوص مشاركة مروان عثمان على طول إن الكورة العالمية دلوقتي كلها كدة، وشوفنا كل الصفقات الجديدة زي مرموش وبيلينجهام أول ما راحوا لعبوا على طول فدي حاجة موجودة دلوقتي واللعيبة واخدة شكل كويس وأداء كويس.

وأكمل:" لولا إن الجزار بيتأهل وبالعمري جه متأخر قوي يوم 21 بالليل فـ متمرنش معانا خالص، فكل الصفقات الجديدة هتدخل إن شاء الله بإذن الله بالتتابع.

واستطرد، إن بكرة الفريق هيكتمل وينزل معانا الجزار وينزل كريم فؤاد فـ إن شاء الله نبقى زيرو إصابات والعدد هيبقى كبير في الملعب. واختتم إن مستر توروب فضّل إن الناشئين يشاركوا في مباريات قطاعهم الجامدة ولما يحتاج حد منهم يطلع يكمل معانا.