حياة الدرديري: شيرين عبد الوهاب صوت مصر رغم أنف الحاقدين
حرصت الإعلامية حياة الدرديري، زوجة الإعلامي توفيق عكاشة، على دعم شيرين عبد الوهاب في أزمتها الأخيرة، مؤكدة أن الجمهور ينتظر عودتها.
وقالت الدرديري خلال فيديو عبر منصة إكس: كل الدعم للمطربة شيرين عبد الوهاب، صوت مصر رغم أنف الحاقدين.. شيرين البنت اللي كافحت وعافرت عشان توصل وتبقى علامية في الفن المصري.
وتابعت: لازم يا شيرين تقومي من أزمتك، وتبقى مثال للست المصرية المكافحة والمثابرة، لأن جمهورك مستنيكي وكلنا في انتظارك.
وعلى صعيد آخر كشف محمد عبد الوهاب، شقيق الفنانة شيرين عبد الوهاب، تفاصيل حالتها الصحية، واصفًا بأن حالتها “تصعب على الكافر”، وتحتاج للهدوء، كما طالب الصحافة والإعلام ونقيب المهن التمثيلية والموسيقية أن لا يتحدثوا عنها.
وكتب شقيق عبد الوهاب عبر حسابه بموقع فيسبوك: “الأستاذ نقيب الموسيقيين والأستاذ نقيب الممثلين هو ليه حضرتكم مبتظهروش في الصورة غير لما يكون في حاجة يعني ليه مش بتسألوا عليها في الأيام العادية طالما أمرها يهمكم أوي كده خلاص بقى كفاية متاجرة ارحموها بقى والسادة الصحفيين والمعدين والإعلاميين محدش يكلمني”.
وأضاف: “أنا مش هعمل أي حوار وأي مداخلة ولا أي شيء انتو بردو ناس كلكم عايزين رتش وترند فقط ليه محدش فيكم بيكتب لها والدنيا هادية كلام حلو بدون ما يكون في أزمة أو مشكلة كفاية بقى الله يخليكم والله حالتها تصعب علي الكافر ومحتاجة هدوء عشان تعرف تتعافي أخباركم وكلامكم والله بيأثر عليها”.
وتابع شقيق شيرين عبد الوهاب: "أنا اتكلمت بحترام وأدب بعد كده هقل أدبي على التخين فيكم وأنا والله بطولي بس بعون الله قد أي حد وبينا القانون
مفيش أي حد ليه الحق يطلع يتكلم أو يكتب عن شيرين حاجة أيا كان صفته نقيب إعلامي صحفي شاعر ملحن موزع الكلام للكل . اللهم بلغت اللهم فاشهد".
