شمس البارودي تعلق على وفاة ريهام عاصم: اللي بيروح بيقطع بروحه
علقت الفنانة المعتزلة شمس البارودي على وفاة الستايسلت ريهام عاصم التي توفيت أول أمس.
وكتبت شمس البارودي تعليقًا على أحد المنشورات: “لا إله إلا الله ولا حول ولاقوة الابالله العلي العظيم للأسف الوسط الفنى مابيحبش الحزن ولا بيتفاعل معاه يعنى اللي بيروح بيقطع بروحه وباقرب حبايبه غير كده للأسف بتنسي ليه ما اعرفش مع أنهم يتصفوا برقة المشاعر بس بيخافوا من التفاعل مع الحزن والمرض”.
وجاء ذلك تعليقًا على منشور لأحد الصحفيين جاء فيه: "البنت الطيبة دي اسمها ريهام عاصم تعمل في الوسط الفني من سنين كاستايسلت، وبالتحديد من 2009 وعملت أفلام مهمة جدا زي (الخلية ونور عينى وأولاد رزق بأجزائه وغيرهم كتير جدا). المهم أصيبت بأزمة مرضية كانت بسيطة في الأول، وأعلنت عبر منشورين على صفحتها على الفيس بوك.. المنشور الأول كتبت فيه: أنا اتحجزت فى العناية المركزة واللى عايز يزورني ده تليفون والدتي وكتبت رقمها.
بعدها بيومين كتبت منشور تانى قالت فيه نصا: أدعولى أطلع من العناية المركزة بالله عليكم الدعاء".
وأضاف: “المهم المنشورين لم يلقوا أى استجابة نهائي أو تفاعل على الإطلاق، خاصة مما عملت معهم فى الوسط الفنى. الغريب إن المنشورين بعد وفاتها حققوا لايكات بإيموشن حزن وتعليقات كتير.. وبعد كدة حصل بوستات نعي كتير أوي. وده للأسف اللي بيأكدلك إن فيها زحمة بتكون كدابة.. بتظهر في الوقت الضايع اللي مالهوش لازمة”.
وتابع: "هي كانت محتاجة دعم نفسى ومعنوي وهي فى لحظاتها الأخيرة بتتنفس.. وده هى طلبته بنفسها فى المنشورين لكن ده ما حصلش. وده فكرني شخصيا بمقولة أبويا قالهالى زمان:(اللي ما يبكي عليك فى الحياة وأنت سامعه وقت الممات يوفر مدامعه).ريهام وحيدة والدتها، ووالدها متوفي من وهي طفلة صغيرة، وكان معروف عنها طيبتها وجدعنتها مع كل المحيطين بها. ريهام توفت وتركت طفل اسمه زين الدين عنده 5 سنين.. ربنا يرحمها ويسكنها فسيح جناته ويلهم والدتها السيدة "رضا" الصبر والسلوان".
