أسرة سعاد صموئيل تستغيث بوزير الصحة عبر «نيوز رووم» : محتاجة سرير رعاية هتموت

 تموت في طوارئ معهد ناصر وتحتاج سرير رعاية استغاثة عاجلة لوزير الصحة

أسرة سعاد صموئيل تستغيث بوزير الصحة عبر نيوز رووم: " بتموت في طوارئ معهد ناصر تحتاج سرير رعاية

وجهت المهندسة هبة محروس، صديقة أسرة سعاد صموئيل بسيط، استغاثة إنسانية عاجلة إلى  الدكتور خالد عبد الغفار، وزير الصحة والسكان، للتدخل الفوري لإنقاذ حياة سعاد، التي ترقد منذ أيام داخل طوارئ معهد ناصر، في حالة صحية حرجة، دون أن يتم توفير سرير رعاية مركزة رغم خطورة حالتها.

نزيف في المخ وشرخ في الجمجمة 

وقالت هبة لـ نيوز رووم :"سعاد تعرضت لحادث سير يوم الثلاثاء 8 أبريل وهي رايحة شغلها، تم نقلها من الشارع على طول، ولفينا بيها على مستشفيات كتير منهم مستشفى الساحل، القصر العيني، ومعهد ناصر، كل الدكاترة أكدوا أنها محتاجة رعاية مخ وأعصاب فورًا لأنها عندها نزيف في المخ وشرخ في الجمجمة."

وأضافت:"من يومها وهي على تروللي في الطوارئ، من غير سرير ومن غير أي تحرك. دخلنا البيانات على 137، وكلمنا كل الجهات الرسمية، لكن للأسف مفيش استجابة لحد دلوقتي، وحالتها بتسوء يوم بعد يوم."

سيدة بسيطة

وتابعت هبة بتأثر شديد:"سعاد ست بسيطة ومكافحة، وأهلها مش قادرين يعملوا أكتر من اللي عملوه. أنا بناشد وزير الصحة من قلبي: أرجوك أنقذ حياتها قبل ما يحصل مالا يُحمد عقباه. هي محتاجة سرير رعاية.. وبسرعة."

واختتمت بقولها:"إحنا مش بنطلب غير حقها في العلاج والرعاية، وكلنا أمل إن صوتنا يوصل لحضرتك يا دكتور خالد، وإن سعاد تخرج من الأزمة دي بخير".