بسبب أغنية بدنا نروق.. هيدي كرم: "ما لازم نتصالح الحياة راجل وست"
بعد تصدر أغنية بدنا نروق للمطربة هيفاء وهبي تريند مواقع التواصل الإجتماعي، خرجت الفنانة هيدي كرم عن صمتها لتوجه رسالة مقتبسة من تلك الأغنية، وذلك من خلال مقطع فيديو عبر حسابها الرسمي على موقع تبادل الصور والفيديوهات إنستجرام.
هيدي كرم تقتبس رسالة من أغنية بدنا نروق
وقالت هيدي كرم في مقطع الفيديو: “بدنا نروق على بعض شوية، كل ما أفتح الإنستجرام بلاقي بلوجز ستات ورجالة مصريين وأجانب، حبايبي منعندهمش أي خبرة في الحياة، ول دارسين ولا فاهمين ولا قاريين أي حاجة، وكل اللي يعرفوه في الحياة سطرين، وقرروا يعملوا فلوجز عن العلاقات بين الراجل والست، وأزاي تقدروا تقرأوا الريد فلاجز والجرين فلاجز من أول لحظة، ونختبرهم أزاي ونسألهم ايه عشان نعرف نواياهم، وكل واحد قتاعد يفتي في كيفية اختيار والتقاء الشريك المناسب، على أساس أن حضرتك خبير في العلاقات العاطفية”.
“بندخل علاقات ليه”
واستكملت هيدي كرم حديثها قائلة: “أنا اسفة بس حضرتك مش خبير، حضرتك خابور كبير، لأن دلوقتي كل الناس اللي المفروض يدخلوا يتعرفوا على بعض بقوا داخلين يوقعوا بعض، داخلين يكعبلوا بعض، داخلين حرب تكتيكية مخابراتية باردة بين قوتين مين هتنتصر في الأخر وتنسف التانية، حالة التوجس والتحفظ اللي بنخش بيها العلاقة دي بسبب افتراضنا سوء الظن، قبل ما تبتدي ونفترض أن الشخص ده هيطلع وحش، طب بنخش علاقات ليه يا جماعة، ما كل واحد يقعد في بيته على كنبته ومنتعرفش على حد، لأننا داخلين العلاقة واحنا عارفين أننا هنطلع منها متعورين، وبعدين أيها الخبير لازم تعرف وأنت بتفتي وكأنك جايب الديب من ديله وبتقول فتاوي عامة أن مافيش حاجة مطلقة، وكل كابلز بيتعرف ليهم ظروف مختلفة بناءًا على المرحلة العمرية والبيئة اللي جايين منها، والتجارب اللي عدوا بيها، فحضرتكم الخبراء الجمال بتوعنا اللي لعبوا في دماغ الناس، خلي بالك من بعض النقاط البسيطة اللذيذة اللي ممكن تغير الفتوى بتاعتك”.
“الحياة راجل وست”
واختتمت هيدي كرم حديثها قائلة :"بدنا نروق بدنا نهدا شوي، ما أحنا لازم نتصالح مالناش غير بعض، هنعيش في أرابيز بعض ونموت في أزابيز بعض، شوفولكم حل الخناقة اللي دايزة على السوشيال ميديا دي مش داخلة دماغي ومش عجباني، فلازم نرفع رايات السلام والرايات البيضة بيننا وبين الجنس الآخر، ونتصالح لأن الحياة في الأخر راجل وست".
