أسطورة مصرية حقيقية .. عمرو أديب: محمد صلاح يرفع رأس مصر مجددا عالميا

قال الإعلامي عمرو أديب، إن الملك المصري محمد صلاح جدد عقده مع ليفربول لمدة عامين، واصفاً بأن النجم محمد صلاح يرفع رأس مصر من جديد عالميا.

وعلق الإعلامي عمرو أديب، على تجديد اللاعب الدولي محمد صلاح نجم وقائد منتخب مصر ونادي ليفربول الإنجليزي وهداف الدوري الانجليزي، عقده مع نادي ليفربول لمدة عامين.

 
وأوضح عمرو أديب، مقدم برنامج الحكاية، المذاع عبر قناة ام بي سي مصر، مساء اليوم الجمعة، أن خبر تجديد محمد صلاح لنادي ليفربول قالب العالم وحديث الرياضة وكرة القدم العالمية 
ومحمد صلاح رفض الخروج من ليفربول.

ودعا أديب للنجم محمد صلاح قائلا:"ربنا يبارك لك وتفضل على القمة وانت اسطورة مصرية حقيقية ومحمد صلاح مش هيتكرر تاني،  محمد صلاح لاعب كرة قدم يقرأ كتب في مختلف مجالات الحياة".

وفي سياق أخر تسائل الإعلامي عمرو أديب عن موقف الزيادة المقررة على المواد البترولية خلال الفترة المقبلة؛ متسائلا ما إذا كانت ستكون مرة واحدة أم على مراحل؛ قائلا: «هتعملوا الـ 4 جنيه مرة واحدة ولا هتعملوها إزاي؟، لازم الحكومة تيجي معانا سكة علشان نعرف هتعمل أى».

وقال الإعلامي عمرو أديب: «الناس كل مواطن حاطط أيده في جيب المواطن اللي قدامه، لو أنا جيت حطيت أيدي في جيب المواطن اللي جنبي هشيله، هاتوا حد بيعرف يعمل بجد».

وأضاف: «الشطارة انك في الأزمة تقدر تظبتها»، متسائلا: «هل القرار دا صح؟، أنا مش واقف ضد الفكرة، خلاص كتب عليكم الزيارة، أنا قولت اللي يخلصه ضميري قدام الناس».

 زيارة أسعار المحروقات

كما علق الإعلامي عمرو أديب على زيارة أسعار المحروقات قائلا: «التعامل مع الأزمة أهم من الأزمة، يؤسفني إن اقول لحضرتك إن القرار مش صح، والأرزاق على الله، كان ممكن يتعمل بكام طريقة تانية».
واستكمل : «هل الناس اللي موجودة هيبقوا رحماء؟، أبدا، أبدا، مافيش رحمة، اسمع بكرة الخناقات في الميكروباصات، اطلع طبطب يا عم».

زيادة البنزين والسولار 

وقال الإعلامي عمرو أديب خلال تقديم برنامج «الحكاية» والمذاع عبر قناة «ام بي سي مصر»: «زيادة البنزين والسولار مزعجة جدا للناس، بس ما حدش كان يتخيل إنها تبقى بالسرعة دي والحجم دا، أنت عايز تظبط التزاماتك، ماذا عن فاتوره المواطن، لما زودت 2 جنيه في السولار خد عندك بقا، من بكرة حضرتك وأنت يتركب هتلاقي الراجل بيقولك ماهي زادت».

وأضاف:  «يا سيادة رئيس الوزراء هو الانسان المصري هيعيش إزاي، أنت بتنزف التزامك مع الصندوق بس ما قلكش إزاي، العيش السياحة من النهاردة أو بكرة يا حجمه هيصغر يا تمنه هيزيد».