«لفيته في شوال ورميته بالبحر».. ننشر اعترافات قاتل نجله بالمنيا|خاص

كشفت تحقيقات النيابة العامة في القضية رقم 17045 لسنة 2025 جنايات سمالوط غرب، والمقيدة برقم 2514 لسنة 2025 كلي شمال المنيا، والمتهم فيها "جمال.م"، بقتل نجله بسبب تعاطيه المخدرات وتشاجره الدائم مع الأهالي والجيران، حيث انتهز فرصة تعمق نجله في النوم، وتعدى عليه بقطعة حديدية على رأسه، ما أودى بحياته.

اعترافات المتهم بقتل نجله بالمنيا

وحصل موقع «نيوز رووم» على نص التحقيقات من أقوال «جمال.م» المتهم بقتل نجله والتي جاءت كالتالي:

س: ما هو عدد الضربات التى كلتها لنجلك المجنى عليه واماكن استقرارها بجسده؟

ج: انا ضربته كذا ضربه على راسه.

س: وهل نتج عن ذلك التعدي أية اصابات لحقت بنجلك المجنى عليه؟ 

ج: ايوة هو اتعور جامد فى راسه ونزف دم كتير.

س: وهل تلك الاصابة انفة البيان هى التى أودت بحياة نجلك المجنى عليه؟ 

ج: ايوه، لانه وقع على الارض وقطع النفس.

س: واين هي الاداة المستخدمة في التعدي على نجلك المجني عليه وارتكاب الجريمة محل التحقيق؟ 

ج: انا رميتها مع الجثة في البحر.

س: وما التصرف الذى بدر منك آنذاك؟

ج: سبته وقعدت على الدكه في الصالة مش عارف اعمل ايه، وكان لازم اخفى الجثة بتاعته قبل ما حد يشوفه، فرنيت على ابني هشام وقولتله هات التروسكل بتاع جوز أختك وتعالي ليا البيت.

س: وهل لبى نجلك المتهم الثاني طلبك آنذاك؟

ج: ايوه لقيته جاب التروسيكل وبيرن الجرس فطلعت فتحتله الباب ودخل لجوه وشاف مصطفي أخوه واقع على الارض فى الصاله قدام المطبخ ومتعور فى راسه وسايح في دمه فأغمي عليه أول ما شافه وبعد كده فوقته وحكيتله اللي حصل وقولتله غيتني احنا لازم نخلص من المصيبة دي.

س: واين تحديدا قمتم بترك نجلك المجنى عليه؟

ج: دخلت جبت شوال بلاستيك ولفيت مصطفى بيه وشلته حطيته فى الصندوق بتاع التروسكل وقلت لابني هشام تعالى سوق التروسكل عشان مش بعرف أسوق، وركبت جنبه وقلتله اطلع بينا على قرية الشيخ تلاده نرمي الجثة فى البحر اليوسفي ونرجع، فرحنا على هناك ووقفنا بالتروسكل جار البحر وانا نزلت شلت مصطفى من صندوق التروسكل ورميته فى البحر ورجعنا على البيت.

س: وما الذى حملكم على اخفاء جثمان نجلك المجني عليه بذلك المكان آنف البيان؟ 

ج: انا كان لازم ارميه في البحر قبل ما حد يشوفه ويعرف اللي حصل.