عمرو أديب: أنا مش قادر اتحمس للسنغال.. والماتش واقف على نص جون

قال الإعلامي عمرو أديب: "أنت بتتكلم عن كأس الأمم الإفريقية اللي فيه منتخبات قوية، اللاعيبة في المغرب والسنغال كلهم محترفين معندهمش 2 والا 2 وربع، أنا مش قادر اشجع السنغال، أنا ليه ابقى سنغالي؟ إيه علاقتي بساديو ماني؟ أنا مش عارف اشجع السنغال يا جماعة".

وتابع، خلال تقديمه برنامج الحكاية، والمذاع عبر قناة إم بي سي مصر: "أنا مش عايز السنغال تكسب، أنا مش قادر اعمل اللي الناس بتعمله، أنا أهيب بكل المسؤولين عدم تصعيد الأمور، أنا مش قادر اتحمس للسنغال، فرقة المغرب بالنسبة لي حاجة مهمة، أنا مش مع التطرف الرياضي، ماتش المغرب والسنغال واقف على نص جون، أنا مش متوقع إن الشوط التاني يبقى فيه أكتر من جون".

وفي وقت سابق أثار الإعلامي عمرو أديب الجدل بعد حديثه عن والدته خلال لقاءه مع الإعلامية إنجي علي على هامش احتفالية joy awards، التي أقيمت مساء أمس بالرياض.

وأجاب عمرو أديب على سؤال “من تتمنى أن يسلمك الجائزة”، وقال: “هاتيلي أمي تديني الجايزة بتاعتي وخلاص، أو حتى تشوفني وانا فوق فاقولها بصي أنتي كنتي شايفة أني هبقى فاشل أديني بقيت كويس أهو، مش عايز أكتر من كده”.

استضافة إنجي علي لـ عمرو أديب 

وعن ظهوره معها في لقاء خاص على أسرار النجوم، قال عمرو أديب: “أنا مبطلعش في لقاءات لأني حاسس أني كتير اوي على الناس ببرنامجي وبطلع أكتب على تويتر، فأوعدك لو طلعت في أي لقاء هتكوني أنتي أول واحدة”.

عمرو أديب يريد وضع حدود لحياته الخاصة 

في سياق متصل، قد كشف الإعلامي عمرو أديب خلال لقائه مع الإعلامية إنجي علي، مساء أمس، خلال تغطية حفل «جوي أووردز»، أنه يريد وضع حدود واضحة لمن يتدخلون في حياته الخاصة،  قائلاً: «دلوقتي إنت كل اللي ليك عندي شغلي، ولكن خارج ذلك إنت ملكش دعوة بيا خالص، وأنا أي حاجة بقولها في البرنامج الخاص بي هي قابلة للنقد وقابلة للشتيمة، لكن حياتي الخاصة ملك لي وحدي، أنا تحت أمرك في شغلي، أما خارج شغلي فإنت عايز مني إيه؟».

وأضاف أديب: «للأسف أصبحنا نعيش في عصر يركز فيه البعض فقط على 'العداد'، من كم لايك وكام شير، وهذا أصبح جزءاً من لعنة وسائل التواصل الاجتماعي».