لبلبة تفتح قلبها وتكشف رأيها في هذه الأمور: جوايا مفيش شر وعمري ما بصيت لحد

تحدثت الفنانة  لبلبة عن أكثر الأماكن التي تحب أن تزورها عند سفرها إلى لبنان، بجانب حديثها عن علاقتها بالعذراء، وغيرها من الأمور.

وقالت لبلبة خلال لقائها على قناة LBC، إنها تقصد مزار سيدة لبنان حريصا فوز وصولها لبنان، حيث تشعر بسعادة كبيرة خلال وجودها هناك.

وعن علاقتها بالعذرا قالت: “أنا ست مؤمنة وبحس أني جوايا مفيش شر وعمري ما بصيت لحد وقلت ليه ده كده وأنا كده أمي ربتني أني ماليش دعوة بحد”.

وبسؤالها عن مفتاح قلبها قالت: “مفتاح قلبي هو الصدق والإنسانية والحنية، والإنسان اللي يدخل قلبي هو اللي يحس بالآخرين”.

أما مفتاح عقلها، قالت إنها لا تعرف الكذب أو اللوع، مشيرة إلى أن الصادق صادق في كل شيء وفي مشاعره.

وأكدت لبلبة أن النجاح يحتاج إلى مثابرة ومذاكرة، موضحة: “التلميذ لما يذاكر لازم ينجح طالما أخلص لشيء وحبه وقال يا رب واتكل على الله لازم يكون قدامه النجاح”.

وأشارت إلى أن الصدفة قد تلعب دورًا في النجاح إلا أنه يلزمها الاجتهاد والمثابرة:"عمر الشريف قال لي أنا الصدفة لعبت لعبة كبيرة في حياتي، وأنا بشوف كل شيء في إايد ربنا لو عاوز يدي النحاح لفنان هيعطيهوله بس لازم مجهود علشان تحافظ على النجاح". 

وأكدت لبلبة أن النجاح موهبة: “لو مكانش فيه موهبة الفنان يتفقس تلاقيه مفيش استمراراية، الاستمرارية قدامها النجاح، ولو موهوب وما وصلش في وقتها ممكن ينجح بعد فترة”.

وتحدثت لبلبة عن موهبتها، وقالت: “أنا ما اختارتش أكون فنانة كنت موهوبة من طفولتي في البيت وكنت غير كل أخواتي، اتولدت بالموهبة، وأخواتي ماطلعوش فنانين ولكن بيتذوقوا الفن”.

وأضافت:"كان عندي الموهبة وحبيت الفن لما مارسته، حبيت أشوف الجمهور ازاي بيتجاوب معايا من صغري، وكنت أخاف أني في يوم من الأيام النجاح يروح، وبدأت رحلتي في الفن وأنا عمري خمس سنين وكانوا زمان يقولوا ممكن من بعد ما تكبر الموهبة تقل أو الناس ما تتجاوبش معاها أو يمكن سر النجاح أنها طفلة".