دموع الفرح.. الفنان عمرو الجزار يبكي متأثراً بعقيقة ابنته
وصل منذ قليل المطرب عمرو الجزار لحفل عقيقة ابنته والذي يقام مساء اليوم الاثنين بنادي الكهرباء؛ بحضور الأهل والأصدقاء وعدد من نجوم الفن.
ومن خلال “نيوز رووم” وصف عمرو الجزار لحظاته الأولى مع ابنته بعد ولادتها (ضاحكاً): قالت لي يا بابا عايزة أسمع "يا مسكرة"، وأكمل الجزار حديثه: أنا طبعاً بحمد ربنا على كرمه، و أول حاجة عملتها صليت وحمدت ربنا على الفرحة دي، وعلى الحاجة الحلوة اللي ربنا إدهالي ومش قادر أوصف فرحتي والله.
ولم يستطع الجزار أن يكمل حديثه متأثرا و باكيا قائلا: الحمد لله و ربنا يخليهالي يارب.
وفي سياق منفصل، علم "نيوز رووم"، أن الفنانة زينة، اصطحبت الفنانة شيرين عبد الوهاب إلى منزلها لرعاياتها وخوفًا عليها خاصة انها في حالة نفسية سيئة.
أشرف زكي يكشف تفاصيل حالة شيرين وسبب اختفائها
كان الفنان أشرف زكي كشف أمس في مداخلة هاتفية مع الإعلامي عمرو أديب، أنه يتابع جيدًا حالة شيرين، حيث قال: “احنا ومجموعة كبيرة من أصدقاء شيرين اتفقنا نحط إيدينا ف إيد بعض ونشوف حل للغز اللي احنا فيه”.
وأكد أن مايا مرسي تهتم شخصيًا بحالة شيرين، موضحًا: "شهادة حق أمام ربنا إن معالي الوزيرة الدكتورة مايا مرسي وزير التضامن الاجتماعي على تواصل معانا ومن ١٠ أو ١٥ يوم فضلت معانا على التليفون لحد الفجر واحنا بنحاول نبحث عن شيرين ونشوف هنعمل إيه، وقالت أنا موفرة كافة الإمكانيات اللي انتوا عايزينها وأكتر من كدة، وقالتلي أنا مش هنام لحد ٥ ولا ٦ الصبح، أنا حبيت أقول كلمة حق
وتابع: “أنا ومجموعة من أصدقاء شيرين حطينا إيدينا فإيد بعض وهنحاول الحفاظ على شيرين عبدالوهاب وإن احنا نجاوب على أسئلة كتير حضرتك طرحتها يمكن مش قادر أرد عليها دلوقتي لأن معنديش ردود كافية، والدولة متمثلة في معالي الوزيرة الدكتورة مايا مرسي معانا لحظة بلحظة وقالت أنا مستعدة أعمل أي حاجة، وإن شاء الله المداخلة الجاية أكون بطمنك على شيرين عبد الوهاب”.
وأشار إلى أنه ذهب لزيارتها في منزلها منذ حوالي أسبوعين،: “أنا حاولت أقنعها يا شيرين ننزل يا شيرين نخرج قالتلي أنا مش حابة أنزل ولا أخرج دلوقتي، أنا مش ف حالة مزاجية إني أخرج دلوقتي”.
