مي كساب تطرح أغنيتها الجديدة «احنا اهو» مع زوجها أوكا

طرحت الفنانة مي كساب أغنيتها الجديدة اليوم الخميس عبر قناتها الرسمية علي موقع " يوتيوب " .

ويشاركها في الأغنية زوجها مؤدي المهرجانات " أوكا "، و المطرب "علي لوكا" وحملت الأغنية اسم "احنا أهو" وجاءت كلمات الأغنية كالتالي :

يا اللي حاولتوا وعيدتوا وزيدتوا  وغيرتوا الوشوش وكذبتوا

يا ناس عايزة تفرقنا أديكم خسرتوا ما كسبتوا

احنا أهو فل أهو ورد أهوعزوة أهو صحبه أهو لمة أهو

أيوة أهو إحنا العلامة كنتوا فين رحتوا فين مش شايفين غدارين أفاعين

حسادين مش سالكين بالسلامة يا اللي أنتم مش حابين تسمعوا

بتغلوا مني وهتفرقعوا ما يجيش في بالكم في يوم ترجعوا

ومهما تيجي تقول لي يا ريت مديت إيديا أنا اتعضيت

اديت كتير ولا مرة فضيت ده بس ربع عشان جضيت

مع السلامة خلاص عديت ده اللي ياما اديناهم واستحملناهم

كان الغل جواهم ولا بان دايما إحنا اللي لينا

من ده اللي يجي علينا لا عاش ولا كان

طلعت هلس ونتاش غلطت يوم فيك عليت

عمال بتسرح بالناس صدقت كدبك فـ ياريت

نرجع زمان بالايام طب قولي كان اسمك فين

باسمي حقق أحلام ما أنا اللي جبته وديت

إحنا أهو فل أهو ورد أهو عزوة أهو صحبه أهو لمة أهو

أيوة أهو إحنا العلامة كنتوا فين رحتوا فين

مش شايفين غدارين أفعين حسادين مش سالكين بالسلامة

عايش دلوقتي في السعادة ما بقتش كئيب كالعادة

وما بشربش قهوة سادة حلوه وسكرها زيادة

فرحان وعامل هوليلة مش من نقرة لدحديرة

ما فيش هموم ولا درويلة ما فيش أهم من العيلة

دلوقتي فاهمة الحياة الدنيا وردي وأنا عايشه حياتي

ده اللي محتاجة له ولا فارق لي ولا بقيت أعاني ده كان ماضي رميته ورا وراح لحاله

بطلنا ليه بطلنا نلوم بقينا أخف عرفنا نعوم

والوش نور مش مهموم راضيين بالحال

كفتنا تكسب ألفين كوم ولو وقعنا في مره نقوم

ولا حوق ولا فارق يوم حنا أهو فل أهو ورد أهو

عزوة أهو صحبه أهو لمة أهو أيوة أهو إحنا العلامة

كنتوا فين رحتوا فين مش شايفين غدارين أفعين حسادين مش سالكين بالسلامة.

أبطال مسلسل " المداح أسطورة العهد"

وكانت الفنانة مي كساب شاركت في دراما رمضان 2025 في مسلسل المداح " أسطورة العهد " الجزء الخامس، وشارك فى بطولة مسلسل " المداح أسطورة العهد " حمادة هلال وهبة مجدي وخالد سرحان والقديرة حنان سليمان ودنيا عبد العزيز ومحمود عامر وغادة عادل ودراين حداد وجوري بكرو يسرا اللوزي 
 وتامر شلتوت وآخرين.