عمرو سعد يكشف تفاصيل مسلسل «سِيد الناس» وسبب نجاحه في المنافسة
كشف الفنان عمرو سعد عم بداية مسلسل “سيد الناس”، مشيرا إلى أن البداية كانت بعرض التجرية على المخرج محمد سامي.
وأضاف الفنان عمرو سعد قائلا: «بدأت الفكرة من اننا قولنا المشروع عاوزين نعمله مع مخرج كبير وأنا حبيت إن أكون في مسؤولية محمد سامي، وكنت حابب اشتغل مع المخرج دا، وحابب اشتغل مع مخرجين كتير وأنا اكون جزء منهم».
كما كشف الفنان عمرو سعد عن سبب غيابة عن الأعمال الدرامية الرمضانية الموسم قبل الماضي؛ مفسرا ذلك بقوله: «انا السنة اللي فاتت ما اشتغلتش وحسين إن كل سنة ابقى في دوامة مش عارف أنا بعمل أي، وحاجة تانية علشان كنت بصور أفلام، والنوادي الكبيرة مطلوب منها تحقق نجاحات كتيرة، وأنا ما اتمناش اتزق فيها، علشان كده قولت أقف أنا اوزن نفسي».
وقال الفنان عمرو سعد: «فيه حاجات كتير بتبقى خادعة، وانا ارجل رجلي على الأرض، ومقياسي للنجاح هو تليفوني الشخصي، عدد الناس اللي بتكلمك اللي ما مانتش بتكلمك من سنين، الشارع».
وأضاف عمرو سعد خلال حوار تليفزيوني مع الإعلامي شريف عامر: «انا بعتمد المقاييس دي بالإضافة إلى بعض السوشيال ميديا، ودي موازين معينة خاصة بيا يعني».
تأثير السوشيال ميديا
واستكمل: «السوشيال ميديا كويسة ومهمة ومعيار لأن إحنا ما عندناش معلومات متاحة، وخطورته إننا بناخد السوشيال ميديا بديلة للإعلام إنها معلومة موثوقة، وبنشوف ناس كتير بتتأذي وبيدور عليهم الطوفان».
وأوضح: «كل العرب اللي على السوشيال ميديا بيقوم بيه 5 ولا 10% بس بيتأثر بيهم 90% اللي بيتابعو».
وحلّ الفنان عمرو سعد بطل مسلسل «سيد الناس» ضيفا ببرنامج «يحدث في مصر» تقديم الإعلامي شريف عامر.
قصة مسلسل سيد الناس
مسلسل سيد الناس تدور أحداثه حول شخصية الجارحي أبو العباس، يلعب دوره عمرو سعد، وهو شاب من منطقة السبتية في القاهرة، يُلقب بـ"سيد الناس" يدخل السجن بدلاً من والده، ويخرج ليجد كل عائلته مترقبة لوفاة والده من أجل توزيع الميراث، وفي الوقت نفسه يحاول الكشف عن السر الذي أخفاه عنه والده طوال 20 سنة، مما يجعله يبحث عن الحقيقة وسط نزاعات كبيرة، كما يحمل على عاتقه إرثاً ثقيلاً يسعى للحفاظ عليه.
