عمرو أديب:"الحكمة المصرية أعلى من الاشتباك في السودان"

قال الإعلامي عمرو أديب، إن صومالي لاند موضوع مهم جدا، علشان تعرف ايه فايدته بالنسبة للإسرائيلي والأمريكي، مؤكدا أن: "الحكمة المصرية أعلى من الاشتباك في السودان".

وأضاف، خلال تقديمه برنامج الحكاية، والمذاع عبر قناة إم بي سي مصر، قد يتم جرك لمثل هذه الأشياء، يعني إيه اتفاقية الدفاع المشترك مع السودان، مين اللي يستفيد من ده؟ إحنا وصل إننا مش عارفين نكلم الطرف الآخر، سواء في السودان أو اليمن؟".
وتابع:"أن تحارب خارج الأرض مخالف للعقيدة القتالية المصرية، بصوا لمصر والسعودية، بصة فيها نوع من أنواع الحكمة، أنا هعيش إزاي وهتحكم في مصالحي إزاي؟".
 

وقال الإعلامي عمرو أديب، إنه في القرن 21 توجد بديهيات، وهي الدولة الموحدة، عدد الموحدة، يعني دولة لها علم واحد، جيش واحد، حكومة واحدة، اي دولة ليها علم او تلاتة يبقى بره سياق العالم.
وأضاف، خلال تقديمه برنامج الحكاية، والمذاع عبر قناة إم بي سي، هناك دولة وطنية كاملة الأهلية، مصر والسعودية دولتان قويتين في الأماكن اللي هي  فيها، في سلام وأمان.

وتابع:"عندما تتحدث مصر عن السودان، وأن هناك خطوط حمراء، وليس رغبة في التوسع، إحنا مش عايزين نتوسع في السودان، ولا طمعانين في ممتلكاتها".

واستطرد:"اي دولة في العالم، ترفض هذا، أنت هنا قاعد في أقدم دولة في العالم، ومنذ آلاف السينين، مصر دولة، قامت دولة، قعدت دولة، مشيت دولة".

وأضاف:"هل نترك حدودنا للمغامرات، كل اللي بيحصل في المنطقة بيأثر علينا، وبيأثر على قناة السويس، إيه مشكلتك، لما اقولك أنا عايز اتعامل مع الناس الشرعيين".

وتابع:"بيانات السعودية واضحة، الراجل ده متمرد، الراجل ده حرامي، الكلام يكتب بشكل واضح".

واستطرد:"بيان الخارجية بخصوص السودان واضخح، دي قضايا وجود، تفتيت المفتت، وتقسيم المقسم، على الجانب الآخر، اتلناس بره بتعمل اتحادات، زي الاتحاد الأوروبي".

علق الإعلامي عمرو أديب، على زيارة النجمة الأمريكية أنجلينا جولي لمصر، مضيفا: أنت جالك سؤال التهجير وجاوبت عليها صح، وجالك سؤال رفح وغزة وجاوبت صح.

وأضاف، خلال تقديمه برنامج الحكاية، والمذاع على قناة إم بي سي مصر:"الإجابة المصرية ناصعة البياض، وكل واحد بيجي يزونا، بيشوف البطولة اللي بتقوم بيها مصر".