ريهام سعيد: مفيش أي قضايا بيني وبين ريم البارودي.. وعمري ما فكرت اسجنها
أكدت الإعلامية ريهام سعيد أنه لا يوجد أي قضايا بينها وبين الفنانة ريم البارودي، مشيرة إلى أن الدعوى التي كانت رفعتها عليها وحُكم فيها لصالحها بالغرامة لن تستطيع أن تتنازل عنها لأن الحكم فيها أصبح نهائيًا.
وكتبت ريهام سعيد ردًا على منشور:"أنا مفيش أي قضايا بيني وبين ريم.. مفيش الكلام ده.. وأنا عمري ما كنت أفكر اسجنها.. أنا عارفة أن العقوبة غرامة وحتى مانفذتهاش. معلومات مش صح، ده حكم نهائي معرفش اعمل فيه حاجة ومش يا تدفع يا تتحبس.. عشان اخد الفلوس لازم احجز على حاجة بتاعتها وهي غرامة قليلة أوي أساسًا.. أنا مانفذتش ومش هانفذ كنت نفذت من زمان".
وأضافت: “الموضوع بالنسبة لي خلص لأن أنا لغاية دلوقتي ولا فاهمة هي اتخانقت معايا ليه أول مرة ولا تاني مرة، أنا عمري ما عملت معاها أي حاجة وحشة ولا هي ولا غيرها”.
وكانت ريهام سعيد أعربت عن حبها لريم البارودي رغم الخلافات السابقة بينهما، وقالت في حلقة أمس من برنامجها صبايا الخير:"ريم البارودي أقسم بالله بحبها جدًا وكل ما بشوفها فرحانة في صورة أو فيديو بقول يا رب يفرحها أكتر وأكتر مهما كان برضو سوء التفاهم".
