محمد إمام وشيكو معًا في فيلم جديد: «أول مرة مع بعض وهتكون مفاجأة»
يواصل الفنان محمد إمام كشف مفاجآت حول أعماله المُرتقبة، لا سيما الشخصيات المُشاركة، إذ نشر مجددًا صورة تجمعه بالفنان شيكو من كواليس الفيلم الجديد «صقر وكناريا»، متوعّدًا الجمهور بمشاهدة ممتعة.
وكتب إمام في تغريدة عبر منصة التدوينات القصيرة «إكس»: «احلى وألذ واحد اشتغلت معاه ده غير اجتهادك الجبار وروحك الحلوه يا شيكو يا جامد».
واختتم بقوله: «متحمس جداً الناس يشوفونا مع بعض لأول مره ويتفرجوا على المفاجأه اللي احنا عاملينها إن شاء الله».
ومن جانبه، شوق الفنان شيكو جمهوره بالترويج لفيلمه الجديد صقر وكناريا مع الفنان محمد إمام، والذي من المقرر طرحه في عيد الفطر أو عيد الأضحى.
ونشر شيكو عبر صفحته الرسمية بموقع فيسبوك صورة له من كواليس الفيلم مع محمد إمام، وعلق: “الأعلي اجراً في مواجهة الأعلى وزنًا في السينما المصرية إن شاء الله هتتفرجوا علي فيلم حلو أوي معمول بمزاج مع حبيبي اللي أنا مبسوط أوي أوي أوي إني اشتغلت معاه النجم محمد إمام من أكتر الناس المحترمين والمتواضعين والمجتهدين اللي شوفتهم في الشغل وأحلى طاقة إيجابية لكل اللي حواليه شرف ليا يا ايمز الشغل معاك”.
وأضاف شيكو:"من إخراج ملك الاكشن الاستاذ حسين المنباوي وتأليف الباشمهندس الزميل أيمن وتار وإنتاج حبيبي اللي اشتغلنا كتير مع بعض الأستاذ وائل عبدالله وأاخويا المنتج اللذيذ الحماسي أحمد بدوي، صقر و كناريا عمل استثنائي فنيا وإنسانيا ومن الذ التجارب اللي عملتها وأوعدكم هتتبسطوا اوي…اوي انتظرونا في عيد من الأعياد بقى".
