رولا خرسا: «لا ترد ولا تستبدل» جعلني أسأل نفسي عن معنى الحب والتضحية الحقيقية
أعربت الفنانة رولا خرسا إعجابها بمسلسل «لا ترد ولا تستبدل»، الذي يجمع بين الفنان أحمد السعدني ودينا الشربيني، مشيدة بشخصياته الرئيسية وتأثيره العميق عليها.
وقالت في منشور عبر حسابها على موقع «إنستجرام»: «طول ما فيه في الدنيا ناس زي طه وزي ام ايمن، الدنيا حتفضل بخير، طه الجدع الي متحمل مسؤوليه بنته وأخواته وشقيان عشانهم، واما حب حب بجد وادى حتة من جسمه، ورغم كدة ما استغلش الوضع لصالحه، وأم ايمن، الست الجدعة الي تضحي بكل حاجة عشان الي بتحبه مع انه عيل وموريها الويل، بس هي زي اي ست نفسها في بيت وعيل».
وأضافت خرسا عن باقي الشخصيات: «اما نادر فانا اتكلمت عنه انه نموذج الزوج الي الناس ما يطلعوش فيه غلطة لانه عامل الي عليه وزيادة بس ما يتعاشرش بسبب سخافته، وريم وصاحبتها نماذج حلوة لأصحاب مسلمة ومسيحية بينهم عشرة وحياة يومية».
وقالت إن المسلسل دفعها للتأمل: «المسلسل دا خلاني اسال نفسي اسئلة كتيرة.. هو فيه كدة؟، هو فيه حد ممكن يدي حد كل الحب دا والوقت دا والاهتمام دا؟ اظن ممكن ست تدي جوزها او اولادها او اهلها بس العكس هل ممكن يحصل؟».
وأشادت بالإنتاج والأبطال، قائلة: «مش حاتكلم عن المسلسل المعمول حلو قوي، حتى اني حسامح احمد السعدني علي قمصانه، كفاية جدعنته وحنيته لبنته، وانه بقي نجم زي ما الكتاب بيقو، اما ريم او دينا الشربيني فكل مسلسل بتثبت انها اشطر من المسلسل الي قبله، دا كفاية رياكشناتها علي كلام نادر الغلس، والنبي يا صدقي صخر انت في المسلسل دا انتقلت نقلة كبيرة الحقيقة بتناكة نادر وغلاسته».
وختمت بدعوة: « وبعدين اي حاجة تحمل اسم مريم ابو عوف تبقي ماركة، سينييه يعني، ونرجع تاني للبداية، حد في حياته فيه طه وأم ايمن؟ لو عندكم.. يا بختكم».
