رحمة أحمد: عاوزة أهاجر الناس بقيت صعبة والتعامل مع الستات والبنات مرعب

وجهت الفنانة رحمة أحمد تساؤلًا لجمهورها مطالبة رأيهم في شعورها بالخوف بسبب التعاملات مع من حولها، مشيرة إلى أن التعامل مع السيدات والبنات أصبح مرعب.

وكتبت رحمة أحمد عبر حسابها بموقع فيسبوك: “أنا عايزة اعيش وأنا مش خايفة مش عايزة احس اني في خناقة طول الوقت، عايزة أهاجر، الناس بقت صعبة بجد، والتعامل مع الستات والبنات بقى مرعب، ومحدش يقولي اتجوزي وانتي تبقي كويسة مش عارفه اروح فين ولا ابدأ منين”.

دعمها عدد كبير من متابعيها، وجاءت بعض التعليقات كالآتي:"صلي على النبي واهدي، احنا في دنيا مش في جنة واجهي الناس كلها، الحلو قربي ليه والوحش اقطعي علاقتك بيه، سهلة مش صعبة واتزوجي وابني أسرة وبيت هتلاقي حياتك سعيدة جدًا والشغل ما خلص.. اتزوجي حد كويس ابن ناس بعيد عن وسط فني تبعك وبس كدا يمؤمن(نصيحة)
 

وجاءت بعض التعليقات كالآتي:"خليكى ف حالك متنزليش بوستات تستفزى الناس وترجعي تزعلي"، “يعني مش عارفه تتعاملي مع الستات امال الرجالة بقي”، “حقيقي الناس بقيت صعبة النفوس تخض. وماخفي كان أعظم، الله يكون في عونك”.