نانسي عجرم تجيب.. هل تعرضت لاكتئاب وأكثر شيء يخيفها وكيف نجحت في مشوارها|فيديو
استضاف الإعلامي الإماراتي أنس بوخش، الفنانة اللبنانية نانسي عجرم، في برنامجه ABtalks على يوتيوب، وتحدثت خلال الحلقة عن طفولتها ومشوارها الفني والصعوبات التي واجهتها ومفهوم السعادة بالنسبة لها وغيرها من الأمور.
كشفت الفنانة نانسي عجرم الفرق بين نانسي على المسرح وخارج المسرح:"بالقلب اه، أنا بقلبي على طول أنا، نظرتي للعالم ومحبيتي للناس أنا نفس الشيء يعني إنسانياً، بس أكيد على المسرح أنا نجمة وأنا واقفة على مسرح بغني، غير لما بتشوفني بالحياة الطبيعية كل يوم، أكيد في أشياء بتختلف. بس عادة أنا على المسرح براقب الناس، بحب راقب، بحفظ كتير وجوه، وبعرف كتير أنا وعم غني مين مبسوط، مين أقل بسط، بقرب لعنده أكتر، بحب يكون في Energy حلوة بحفلاتي.
وعن أكثر شيء تخاف منه، قالت إنها تخشى الموت، موضحة:"بخاف من فكرة الموت صراحة، متعلقة بكتير بالأشياء وبالأشخاص وبالحياة وإذا أنا صار لي شيء ما بحب الناس اللي بتحبني تعاني أو إنه تشتاق لي وما فيها تشوفني.
وطلب أنس بوخش من نانسي أن توجه رسالة لنانسي الصغيرة قائلًا لترد: "أقولها برافو لأني فخورة بنفسي، عملت كتير أشياء حلوة، وحتى لو أشخاص ساعدوني بالحياة الواحد ما فيه يعمل كل شيء لحاله بس ما فيهم يساعدوني إذا أنا ما بدي وإذا أنا ما فيي وإذا أنا ما عندي القدرة وإذا أنا ما عندي الإصرار، أنا 25 سنة يمكن إنه بالشهرة وبالفن ومع العيلة اللي عملتها ومع الوقت بتنسيق بين إنه أنا كون ناجحة بالاثنين وحققت كتير أحلام أنا حلمت فيها وكنت أحلم فيها أنا وصغيرة وحققتها وبعد في أحلام وعندي يعني وصلت لمحل أنا كتير بحبه، أكيد بقلها برافو لأنه هي يعني السبب".
وبسؤالها ما إذا كانت تعرضت لاكتئاب ردت: اكتأبت كلمة كبيرة، اكتئاب كلمة كبيرة لا، عمري ما اكتأبت، أوقات كمان بتلاقى بشخص بكون ما بنشوف بعض كتير أنا وإياه مثلاً أو أنا وإياها، بتقول لي اشتقت لك، أنا بحس إنه كلمة كبيرة اشتقت لك، إنه الاشتياق لحدا يشتاق للتاني ويكون في أشياء مشتركة في أشياء كذا بنحكي بنـ بس إنه ما بعرف بحس إنه في كلام ما لازم ينقال إلا ما يكون نابع من جوا مش من تمك من قلبك، فإيه لا اكتئاب كلمة كبيرة وأنا مني مكتئبة، الحمد لله".
