والدة الطفلة آيسل تصرخ: كيف يقيد قاتل ابنتي بالمدرسة من جديد؟

جددت والدة الطفلة آيسل عمرو مطالباتها بمنع المتهم بتهمة الاعتداء الجنسي على طفلتها وإنهاء حياتها داخل حمام سباحة من مواصلة دراسته بمدرسة نفرتاري الدولية.

وفي منشور جديد للأم عبر حسابها على موقع التواصل الاجتماعي «فيسبوك»، قالت: «حرفيا أنا بكتب البوست ده وانا مقهوره اول مره احس ان تفكيرى اتشل ممكن بس بعد اذنكو اى حد يشوف البوست ده يعمل شير لان ربنا بس اللى مطلع ع اللى أنا فيه».

وتابعت: «سيادة وزير التربيه والتعليم أنا بكلم حضرتك كأب قبل ما حضرتك تكون مسئول أنا النهارده جيت لحضرتك وزاره التربيه والتعليم بالعاصمه الاداريه بتاريخ ٥-١-٢٠٢٦ واكيد كل الناس مشكوره اللى أنا اتكلمت معاهم عشان يوصلو الرساله لحضرتك سواء شئون قانونيه او تعليم خاص او مسئولين إحصاء او أمن كل الناس أتعاملت معايا بإنسانيه».

حكم القانون

وأضافت: «حضرتك ايسل بنتى الجميلة اللى كل حياتنا بعد وقفت وارتضينا بحكم القانون ان المجرم اللى قتلها واعتدى عليها طالب مقيد بمدرسه نفرتارى طريق مصر اسماعيليه حضرتك أنا بعد حكم النقض ما كان نهائى ف شهر ٥-٢٠٢٤روحت لمدير عام المدرسه اسمه استاذ حسن لا سامحه الله ولا عفا عنه وشرحتله الحادثه ان القاتل ده مقيد عنده ع قوه المدرسه الاول انكر وبعد ٤محاولات ع ايام مختلفه وتركت له نسخه من تحقيقات الواقعه بالأحكام رده انه خلاص هو خلص تالته اعدادى وكده كده مش هيقبله عنده لانه بالفعل ف السجن وهيكون تعليمه تبع إداره السجون ووقتها أنا اتحسبنت عليه ومشيت ويشاء القدر ان تظهر حادثه سيدز اللى هى كانت تابعه لاداره نفرتاترى ووقتها طرحت قضيه ايسل عشان باقى الاطفال وانا ع يقين ان سياده الرئيس عبدالفتاح السيسى لن يسمح باى تجاوزات ضد الاطفال والحمدلله كان رد فعل اجابى».

وأشارت: «لكن حضرتك يرجع مدير مدرسه نفرتارى يسجل القاتل عنده تانى ويقهرنى كأم العمر كله ع بنتى بانه يحتضن القاتل مره تانيه ويسمح بقيده ف الصف الاول الثانوى ib وكأن شى لم يكن وعادى يطلع من السجن ف حراسه خاصه يمتحن ويرجع وأمه تأهله مدرسه انترناشونال وجامعه انترناشونال ولا كأن ف عيله اتدمرت ازاى ده شخص يكون امين ع طلاب مدرسه فين لوائح وقوانين التى تطبق ع المجرم ده ازاى يعنى يمتحن تبع نظام السجن اى داهيه تشيله هو واهله».

وواصلت: «يعنى اعترافاته وهو بيصور البنات داخل المدرسه ڤديوهات وتصرفات مش عارفه أوصفها يعنى أنا قدمت مذكره لحضرتك فيها 5ورقات من تصرفاته جوه المدرسه ازاى طيب ده يحصل يعنى المفروض بنكون مع المظلوم مش الظالم وبالقانون مش اكتر والله ولا بستعطف حضرتك او اى شئ بس بستأذن حضرتك تقرأه شكوى ايسل لان اكيد حضرتك مش هتسمح بالمهزله دى».

واستكملت: «أنا عارفه المجرم ده له احقيه ف التعليم بس تبع السجن لكن مفيش إنسان يكون عنده ضمير ومبدأ وعارف ان ربنا مطلع ويقبله عنده ف المدرسه».

وشددت: «أنا بلجأ لحضرتك قبل ما اتصرف اى تصرف ان مش عايزه اعمله او ان أخاطب الجهه المسئوله عن اعتماد الشهاده لمدرسه نفرتارى ف فلادلفيا هيكون عيب ان ابعت نماذج سيئه السمعة والأخلاق او ان يكون فيه اى رد فعل سلبى تجاه المدرسه عشان باقى الطلاب اللى مش ليهم اى ذنب غير ان عندهم طموح واحلام نفسهم يحققوها اتمنى من حضرتك ان المجرم ده يطبق عليه قانون الجريمه ف المؤسسه التعليمه أنا كتبت لحضرتك عشان يمكن اسهل طريقه اعرف اوصل لحضرتك هى الميديا».

واختتمت بقولها: «وف الاخر بنتى الجميله اللى هى خطها رائع واشطر بنوته اللى احلامها راحت هى كمان هدفها انها تكون دكتوره وتدرس طب ف المانيا هى بتخطط لمستقبلها اللى اتحرمنا منه أنا مش بطلب اكتر من الحق بالقانون».